1 YAWEI, ai kaman langa yu blanga kipum mi seifwan.
2 Irrim mi na en seibum mi.
3 Yu na main seifhaus en yu maindimbat mi.
4 Deigimat mi brom det trep weya ol main enami bin meigim blanga mi,
5 YAWEI, langa yu bingga na ai libum main spirit.
6 Yu nomo laigim ol detlot hu weship ola drimin sheip,
7 Ai garra jidan brabli gudbinji en preisim yu dumaji yu garram olagijawan filing blanga laigimbat mi.
8 Yu nomo bin larram main enami olabat deigim mi prisana.
9 YAWEI, yu jidan kainbala langa mi dumaji mi brabli nogudbinji.
10 Mi wikwan dumaji mi oldei jidan sedwan.
11 Main enami olabat tok langa mi, “Yu najing!”
12 Mi jis laiga breikinwan kap weya dei tjakidawei.
13 Main enami olabat majurrumap miselp en tok blanga kilim mi.
14 YAWEI, ai trastim langa yu.
15 Yu holdim main laif langa yu bingga.
16 Mi na blanga yu wekinmen.
17 YAWEI, mi jingat langa yu.
18 Jadimap olabat mawus weya dei oldei dalimbat laiya,
19 Yu brabli gudwan en yu garram ola gudbala ting blanga detlot hu rispek langa yu.
20 Yu oldei maindimbat yu pipul olabat wen najalot pipul meigimbat plen blanga dum nogudbala ting langa olabat.
21 Preisim YAWEI det trubala God.
22 Aibin bradin nomo lilbit, en aibin reken imbin andimwei mi.
23 Kipgon jidan trubala langa YAWEI ol yumob pipul hu oldei trastimbat im.
24 Ol yumob pipul hu oldei trastimbat langa YAWEI,