1 YAWEI, mi preisim yu dumaji yubin seibum mi.
2 Aibin jingat langa yu blanga album mi, YAWEI main God,
3 Yubin kipumwei mi brom det greibyad.
4 Sing ola preis song langa YAWEI, ol yumob hu jidan trubalawei langa im.
5 Oni lilbit taim im gitwail, bat im kainwan filing jidan olagijawan na.
6 Aibin filim miselp seif en aibin tok miselp,
7 YAWEI, yubin gud langa mi.
8 Aibin jingat langa yu YAWEI.
9 Aibin tok, “Wanim yu reken? Eni gudbala ting garra hepin if mi dai en godan langa greib? Najing!
10 Yu lisin langa mi YAWEI en yu sori langa mi.
11 Yubin tjeinjim main nogudwan filing en yubin meigim mi dens brabli gudbinjiwei.
12 Wal ai kaan jidan kwaitbala.