1 Main God, main God, wotfo yubin libum mi?
2 Deitaim en naitaim mi jingat langa yu, main God,
3 Bat yu na det holiwan God, en yu jidan det brabliwan Bos,
4 Melabat grengrenfatha olabat bin oldei trastimbat yu.
5 Olabat bin jingat langa yu en yubin seibum olabat.
6 Pipul tok mi rabishwan en reken mi nomo enijing, laiga brabli men.
7 Wen enibodi luk mi, olabat mokimbat mi.
8 Olabat tok, “Yu oldei go langa YAWEI blanga ebrijing.
9 Bat yu na bin kipum mi seifwan wen aibin bon,
10 Brom det dei wen aibin bon, yubin oldei maindimbat mi.
11 Nomo jidan longwei brom mi God.
12 Loda enami jidan raidaran langa mi jis laik ola wailwan bul.
13 Olabat jis laik detlot laiyan weya jingat adbala redi blanga dagat mi.
14 Mi nomo strongbala enimo na, jis laik woda wen spil langa graun en im binij.
15 Main mawus im draiwan jis laik brabli draiwan graun.
16 Main enami olabat bin kaman brom ebriweya en jadimap mi jis laik ola wailwan dog,
17 Mi bouniwan na,
18 Olabat bin deigidawei main klos en olabat bin kadimat gija,
19 YAWEI, nomo jidan longwei brom mi.
20 Seibum mi brom detlot bigwan naif blanga ol main enami.
21 Ol main enami jidan brabli krulbala.
22 Ai garra dalim main pipul wanim yubin dum.
23 Yumob pipul hu wek blanga YAWEI, yumob preisim im.
24 YAWEI nomo tridim ola powan pipul rabishwei,
25 YAWEI, lida langa ebribodi, ai garra preisim yu blanga wanim yubin dum.
26 Ola powan pipul garra dagat blendibala daga raidap dei bulap.
27 Pipul langa ebri kantri garra jinggabat langa YAWEI en dei kaman langa im.
28 YAWEI det trubala God im brabli Bos,
29 Ola pipul hu jidan praudbalawei garra nildan lida langa im.
30 Ol detlot pipul hu garra kaman biyain langa wi garra wek blanga YAWEI,
31 Detlot pipul hu nomo bin bon yet garra kipgon tok,