1 YAWEI, melabat king im gudbinji dumaji yu strongbala.
2 Yubin gibit im wanim imbin wandimbat brabliwei.
3 Yubin kaman langa im garram ola gudwan ting,
4 Imbin askim yu blanga jidan laibala longtaim,
5 Im brabli haibalawan dumaji yubin album im.
6 Ola gudwan ebrijing weya yubin gibit langa im garra jidan olagijawan.
7 YAWEI det Boswan God, det king im trastim yu.
8 Det king garra grebum im enami olabat en meigim olabat jidan prisana.
9 Wen im kaman langa olabat im garra binijimap olabat laiga bigwan faiya weya im barnbarn.
10 Nobodi langa olabat femili garra jidan laibala. Najing.
11 Detlot enami meigimbat nogudwan plen blanga ardim im,
12 Im garra shudum im erro langa olabat,
13 YAWEI, melabat preisim yu dumaji yu brabli strongbala.