1 YAWEI, brabli trubalawei mi laigim yu.
2 YAWEI oldei lukaftumbat mi,
3 Wen mi jingat langa YAWEI im oldei seibum mi brom main enami olabat.
4 Aibin abum bigis trabul, en aibin gulijap dai, dumaji main enami olabat bin raidaran langa mi.
5 Deth bin ebriweya raidaran langa mi.
6 Bat aibin jingat langa YAWEI det trubala God.
7 Wal ola graun bin sheiksheik.
8 Imbin jis laik imbin meigim smok kamat brom im nos,
9 Imbin jis laik imbin breigimap det skai ontop,
10 Kwikbala imbin kaman jis laik imbin flai garram det speshalwan einjul blanga im,
11 Imbin jis laik imbin gaburrumap miselp garram det dakbala klaud,
12 en ola laitining bin flesh en ola heilston bin buldan,
13 Afta na YAWEI bin jingat brom ontop jis laiga thanda,
14 en brabliwei imbin bidim detlot enami blanga im.
15 Wen YAWEI bin gitwail langa im enami olabat, dei kaan blandim miselp brom im, dumaji im brabli strongbala.
16 Wal YAWEI bin irrim mi wen aibin jingat langa im blanga album mi,
17 Imbin seibum mi brom ol detlot enami blanga main.
18 Wen aibin abum det trabul, ol detlot pipul bin oldei trai en gajulum mi.
19 Imbin oldei album mi wen aibin abum det trabul,
20 Wal YAWEI bin gudbala langa mi, dumaji mi oldei bulurrumbat det raitwei blanga im.
21 Aibin oldei duwit langa det lowa blanga YAWEI det trubala God,
22 Aibin oldei jinggabat ol detlot lowa blanga im,
23 En im sabi mi jidan nomo garram enijing rong.
24 En blanga tharran na imbin gudbala langa mi, dumaji aibin oldei bulurrumbat det raitwei blanga im,
25 Wal YAWEI, yu na det trubala God,
26 Yu oldei gudbala langa detlot pipul hu jidan gudbala.
27 En yu oldei meigim detlot pipul hu meigim miselp haibala jidan lobala.
28 Wal YAWEI, yu na det trubala God,
29 En nomeda main enami olabat bigmob, bat stil yu oldei meigim mi strongbala blanga fait langa olabat.
30 Wal ol yumob pipul, det wei blanga God im brabli gudwan,
31 Wal nobodi God. Oni YAWEI na God.
32 Im na oldei meigim mi strongbala,
33 en im oldei kipum mi seifwan wen mi ran kwikbala langa hil kantri wulijim det diya,
34 Ai sabi hau blanga fait langa main enami olabat en bidim olabat,
35 Wal YAWEI, yu na det trubala God,
36 en yu nomo bin larram main enami olabat grebum mi,
37 Aibin oldei ranimap main enami olabat raidap aibin gajimap olabat.
38 Aibin oldei bidim olabat brabliwei,
39 Wal YAWEI, yu na bin oldei meigim mi strongbala blanga fait langa main enami olabat en bidim olabat,
40 en yu na bin oldei meigim olabat ranawei brom mi wen deibin oldei luk mi kaman,
41 Deibin oldei jingat blanga sambodi blanga album olabat en seibum olabat brom mi.
42 En aibin oldei bastimap olabat jis laiga wekinmen weya im bastimap graun en det win blowimwei det das.
43 Wal YAWEI, yu na det trubala God,
44 Loda streinja pipul oldei kaman en baudan lida langa mi blanga shoum rispek langa mi,
45 En wen detlot streinja pipul hu jidan main enami olabat irrim mi tok, dei oldei bradin langa mi,
46 Wal wi garra gibit preis langa YAWEI det trubala God hu jidan laibala.
47 Im na oldei peiyimbek main enami olabat.
48 en im na bin seibum mi brom ola pipul hu nomo laigim mi.
49 Wal blanga tharran na ai garra preisimbat yu neim en dalimbat ola pipul langa ebri kantri blanga yu,
50 God bin meigim mi jidan king,