1 YAWEI, ai nomo bin dum enijing rong!
2 Oni yu gin tok mi nomo gilti,
3 Yu sabi main hat.
4 Ai nomo dum wanim najalot pipul dumbat.
5 Aibin pudum main fut ontop langa yu trek en aibin bulurrum yu olawei.
6 Ai prei langa yu God,
7 Shoum hau yu kipgon laigim pipul.
8 Yu luk mi en maindim mi brabliwei,
9 Yu nomo larram main enami olabat kaman brom ebri said blanga kilim mi ded,
10 dumaji olabat jinggabat olabat ronselp en dei tok praudbalawei.
11 Deibin gajimap mi!
12 Dei jis laiga hanggriwan laiyan weya hanting blanga daga.
13 YAWEI, yu album mi.
14 Garram yu strongwan raiden yu seibum mi brom detlot pipul hu jinggabat oni blanga dijan wel.
15 YAWEI, mi nomo gilti,