1 YAWEI, yubin luk insaid main hat,
2 Yu sabi ebrijing.
3 Yu sabi weya mi go en weya mi leidan.
4 Wen mi stil jinggabat wanim ai garra tok,
5 Yu lida langa mi,
6 Yu sabi mi brabliwei!
7 If ai wandi gowei brom yu, weya ai garra go?
8 If ai gowap langa hebin, yu deya.
9 If ai flaiwei langa weya det san gidap,
10 wal yu deya du blanga lidim mi en album mi.
11 If ai tok miselp, “Ai garra blandim miselp langa dakbala.
12 Bat nomo eni dakbala jidan langa yu.
13 Trubala, wen aibin insaid langa main mami binji,
14 Ai preisim yu dumaji yubin meigim mi klebabalawei.
15 Yubin luk mi wen main bodi bin grogro,
16 Yubin luk mi deya wen ai nomo bin brabli beibi,
17 Main God, ebrijing weya yu jinggabat,
18 Ai kaan kaundim olabat,
19 Bat God, ai wandim yu garra binijimap detlot brabli nogud pipul,
20 Olabat nomo rispek yu, najing!
21 Ai heidim detlot pipul hu heidim yu, YAWEI.
22 Ai nomo laigim detlot pipul,
23 Luk insaid langa main hat, YAWEI,
24 Faindat if ai bulurrum nogudwei lagijat.