1 YAWEI, ol detlot pipul hu jidan raitwei langa yu garra jidan gudbinji,
2 Ol detlot pipul hu dum wanim yu tok jidan gudbinjiwei,
3 Olabat neba dum ola rong ting, najing.
4 YAWEI, yubin gibit melabat ola lowa,
5 Ai wandim bulurrum ol detlot lowa blanga yu trubalawei.
6 Wen mi teiknodis langa detlot lowa blanga yu ai kaan dum eni nogudbala ting blanga meigim mi fil sheim.
7 Wen mi len ola raitwei en ola trubalawan lowa blanga yu, ai garra preisim yu garram main klinwan hat brabli trubalawei.
8 Ai garra teiknodis langa ola lowa blanga yu.
9 Hau ola yang pipul gin abum brabli gudwan laif?
10 Mi oldei wandim wek blanga yu garram holbit main filing.
11 Detlot lowa blanga yu jidan langa main hat,
12 Mi preisim yu YAWEI!
13 Ai garra toktok adbalawei blanga ola lowa weya yubin gibit langa melabat.
14 YAWEI, mi brabli gudbinji wen mi teiknodis langa det lowa blanga yu.
15 Mi jinggabat detlot wed blanga yu olataim,
16 Mi oldei laigim detlot lowa blanga yu brabliwei.
17 YAWEI yu gud langa mi, yu wekinmen,
18 Yu opinim main ai wulijim ai garra luk en sabi ola brabli gudwan wed blanga yu lowa.
19 Mi jidan iya langa dijan kantri nomo blanga longtaim.
20 Oldei main hat wandim sabi brabliwei blanga detlot lowa blanga yu.
21 Yu streitinimap brabliwei ola praudbala pipul hu nomo teiknodis langa detlot lowa blanga yu.
22 Nomo larram olabat tisimbat en mokimbat mi dumaji mi oldei bulurrumbat yu lowa.
23 Ola boswan oldei majurrumap miselp blanga tok gija blanga dum nogud ting langa mi.
24 Ol yu lowa meigim mi gudbinji.
25 Mi gulijap dai na.
26 YAWEI aibin dalim yu blanga ebrijing weya aibin dum en yubin ensim mi.
27 YAWEI, album mi blanga sabi detlot lowa blanga yu,
28 Mi jidan brabli nogudbinjiwei.
29 Nomo larram mi go langa det rongwei. Dumaji yu kainbalawan YAWEI, lenim mi blanga yu lowa.
30 Ai wandi duwit en teiknodis langa ola lowa blanga yu.
31 YAWEI, aibin kipgon bulurrumbat ola lowa blanga yu.
32 Mi wandim blanga len brabliwei ebrijing weya yu wandim mi blanga dum,
33 YAWEI, yu lenim mi wanim detlot lowa blanga yu min,
34 YAWEI, yu album mi blanga sabi ol yu lowa, en ai garra teiknodis en bulurrum olabat brabliwei garram main laif holbit.
35 Meigim mi duwit langa detlot lowa blanga yu olataim,
36 YAWEI, meigim mi wandi kipgon duwit langa yu lowa brabliwei,
37 YAWEI, meigim mi nomo wandi teiknodis langa ola nogudwan ting.
38 YAWEI, yu kipum yu pramis langa mi, yu wekinmen,
39 YAWEI, seibum mi brom ol detlot hu mokimbat mi,
40 Mi wandi duwit langa detlot lowa blanga yu.
41 YAWEI, shoum mi haumatj yu laigim mi.
42 En ai garra ensim ol detlot pipul hu gibit mi adtaim dumaji mi trastimbat yu wed.
43 Album mi tok trubalawei olataim,
44 Olagijawan na ai garra kipgon bulurrumbat langa yu lowa.
45 Ai garra jidan friwan brabliwei dumaji aibin bulurrumbat yu wed.
46 Ai garra dalim ola bigwan bos detlot lowa blanga yu,
47 Brabliwei mi laigim dumbat wanim yu dalimbat mi,
48 YAWEI, mi laigim en rispek ol yu lowa.
49 YAWEI, yu jinggabat det pramis yubin meigim garram mi, yu wekinmen.
50 Aibin abum trabul bat stil aibin jidan gudbinjiwei,
51 Ola praudbala pipul oldei tok nogudbalawei langa mi,
52 Mi jinggabat detlot lowa blanga yu brom longtaim,
53 Wen mi luk ola brabli nogudbala pipul hu nomo teiknodis langa ol yu lowa,
54 Mi meigim ola song blanga ol yu lowa,
55 YAWEI, wen im naitaim mi jinggabat langa yu en blanga yu lowa.
56 Mi jidanabat brabli gudbinjiwei dumaji mi oldei teiknodis langa yu wed.
57 YAWEI oni yu na wanbala mi wandim.
58 Mi askim yu brabliwei brom insaid langa main hat blanga sori langa mi jis laik weya yubin pramis.
59 Aibin jinggabat blanga ola ting weya aibin dumbat,
60 Wen yu tok, streidawei mi dum wanim yu wandim.
61 Detlot brabli nogudbala pipul bin pudum trep blanga mi,
62 Mi gidap midulnait blanga preisim yu,
63 Mi jidan fren blanga ol detlot pipul hu bulurrum yu,
64 YAWEI, yu garram det filing blanga oldei laigim pipul langa ola kantri.
65 Yubin kipum yu pramis YAWEI,
66 Meigim mi sabi ebrijing gudwei, dumaji mi trastim detlot wed blanga yu.
67 Basdam aibin oldei dum rong ting,
68 Yu brabli gudwan YAWEI en yu brabli kainbalawan du.
69 Ola praudbala pipul bin dalimbat ola laiyawan stori blanga mi,
70 Detlot pipul nomo sabi enijing,
71 Wen yubin streitinimap mi blanga main nogudbalawei,
72 Bigmob mani langa dijan wel nomo enijing langa mi.
73 YAWEI, yubin meigim mi en yu oldei kipum mi seifwan.
74 Ol detlot pipul hu rispek yu garra gudbinji wen olabat garra luk langa mi,
75 Ai sabi ol yu lowa nomo garram enijing rong en im brabli trubalawan, YAWEI.
76 Larram yu ron filing blanga laigimbat, meigim mi gudbinji, jis laik yubin pramisim mi, det wekinmen blanga yu.
77 Yu sori langa mi en larram mi jidan laibala,
78 Larram detlot praudbala pipul sheim miselp dumaji olabat oldei dalimbat laiya stori blanga mi,
79 Larram ol detlot pipul hu rispek yu kaman langa mi blanga sabi ol yu lowa.
80 Meigim mi teiknodis langa ol yu lowa brabliwei wulijim ai kaan sheim blanga dum enijing.
81 YAWEI, mi brabli wikwan na brom weidabat blanga wotaim yu garra seibum mi,
82 Mi nokap brom weidabat blanga wanim yubin pramisim.
83 Mi brabli olwan en kaan wek enimo, jis laiga olwan letha but weya nobodi kaan yusum enimo,
84 Haulong ai garra weidabat?
85 Detlot praudbala pipul hu nomo teiknodis langa yu lowa bin grajim dipwan hol blanga trepam mi.
86 Detlot lowa blanga yu, olabat trubalawan.
87 Olabat bin gulijap kilim mi ded,
88 YAWEI, dumaji yu kipgon laigimbat pipul detmatj,
89 YAWEI, blanga yu wed garra jidan olagijawan.
90 Det trubalawei blanga yu im kipgon olagijawan.
91 YAWEI, garram yu ronwan wed yubin meigim ebrijing
92 If ai nomo bina abum detlot lowa blanga yu blanga meigim mi gudbinji,
93 Ai nomo wandi libum detlot wed weya yubin titjimbat mi,
94 Mi blanga yu YAWEI.
95 Ola brabli nogudbala pipul weidabat blanga kilim mi ded,
96 Ai sabi ebrijing weya jidan tudei garra binij,
97 Trubala mi laigim detlot lowa blanga yu brabliwei.
98 Dumaji ai garram yu lowa blanga shoum mi wanim blanga dum,
99 YAWEI, ai sabi mowa den main titja olabat,
100 Mi sabi mowa den detlot ol pipul,
101 Ai nomo bulurrum det nogudbalawei,
102 Ai nomo bin libum detlot lowa blanga yu dumaji yu na main titja.
103 Detlot shugabeig, olabat switwan,
104 Detlot lowa blanga yu meigim mi sabi blanga ebrijing.
105 YAWEI, yu wed im shain laiga lait blanga shoum mi det wei blanga go,
106 Ai garra kipum main pramis langa yu blanga teiknodis langa detlot trubalawan lowa blanga yu.
107 Mi ardimbat brabliwei brom main enami olabat.
108 YAWEI, irrim main preya weya mi tok theingkyu langa yu,
109 Mi oldei jidan redi blanga go thru langa trabul nomeda wanim hepin langa main laif. Ai nomo fogedabat ol yu lowa.
110 Ola brabli nogudbala pipul meigim trep blanga mi,
111 Detlot lowa blanga yu garra jidan olagijawan garram mi,
112 Aibin jinggabat blanga kipgon bulurrumbat detlot lowa blanga yu raidap mi dai.
113 Ai nomo laigim detlot tufeis pipul hu nomo jidan trubalawei langa yu,
114 Yu na tharran hu oldei maindimbat mi en kipumbat mi seifwan.
115 Yumob nogudbala pipul, yumob gowei brom mi.
116 Meigim mi strongbala jis laik yubin pramisim mi,
117 Holdim mi en ai garra jidan seifwan,
118 Yu gibit bekboun langa detlot pipul hu nomo duwit langa detlot lowa blanga yu.
119 YAWEI, langa yu, ola nogudbala pipul jidan jis laik rabish. Blanga tharran na, ai laigim bulurrumbat ol yu lowa.
120 YAWEI, mi bradin langa yu en mi sheiksheik nomo lilbit dumaji yu det brabli haibalawan God en ai sabi hau yu jadjim pipul.
121 Aibin dum wanim im rait en gudwan blanga dum.
122 Yu pramis blanga album mi, yu wekinmen.
123 Main ai dubala taid na brom lukinatbat wotaim yu garra seibum mi en meigim mi fri weya yubin pramisim mi.
124 Yu shoum mi yu kipgon laigimbat mi, yu wekinmen,
125 Mi wek blanga yu, YAWEI.
126 YAWEI, im taim blanga yu blanga kaman en panishim ola pipul na,
127 Trubala mi laigim brabliwei detlot lowa blanga yu.
128 Blanga tharran na ai bulurrum ol detlot lowa blanga yu.
129 Ol yu lowa brabli gudwan.
130 YAWEI, yu wed im shoum pipul wanim blanga dum jis laiga lait langa dakbala pleis.
131 Mi oldei wandim ol yu lowa olataim.
132 YAWEI, yu kaman en sori langa mi,
133 Garram yu wed, yu album mi blanga wok langa yu wei,
134 Yu seibum mi brom ol detlot pipul hu oldei dum nogudbala ting langa mi,
135 Yu jidan gudbala langa mi YAWEI,
136 Wen mi krai main tiyas randan jis laik weya riba randan,
137 YAWEI, yu dum ebrijing raitwei,
138 Detlot lowa weya yubin gibit,
139 Mi gitwail brabliwei laiga faiya weya im barn,
140 Blanga yu pramis im tok trubalawan.
141 Mi nomo jidan haibala.
142 Det trubalawei blanga yu garra jidan olagijawan na.
143 Mi jidan garram loda trabul en mi jidan nogudbinjiwei,
144 Detlot lowa blanga yu gibit feyago olataim.
145 Mi jingat langa yu garram ol main hat.
146 Mi jingat langa yu, YAWEI.
147 Bifo det san gidap mi jingat langa yu blanga album mi.
148 Naitaim ai nomo silip,
149 YAWEI, yu irrim mi, dumaji yu filing blanga laigimbat im olagijawan.
150 Detlot krulbala pipul kaminap gulijap na,
151 Bat yu jidan gulijap langa mi YAWEI.
152 Longtaim aibin len blanga detlot lowa blanga yu.
153 YAWEI, luk langa ol main trabul en seibum mi,
154 Yu lukaftum mi YAWEI, en meigim mi fri.
155 YAWEI, dumaji ola wikitwan pipul nomo teiknodis langa detlot lowa blanga yu,
156 YAWEI, det kainbalawan filing blanga yu im jidan detmatj na.
157 Ai garram loda enami en bedfren hu oldei tridim mi nogudwei,
158 Wen mi luk langa detlot pipul hu nomo bilib langa yu im meigim mi fil brabli nogudbinji,
159 Yu luk haumatj mi laigim detlot lowa blanga yu YAWEI.
160 YAWEI, yu wed im trubala,
161 YAWEI, ola brabli haibala pipul nomo gibit mi feyago nomo garram risan,
162 Dumaji blanga ol yu pramis mi brabli gudbinji,
163 Brabliwei ai nomo laigim detlot pipul hu dalimbat laiya,
164 Sebenbalataim ebridei mi tok theingkyu langa yu dumaji wen yu jadjim pipul yu gibit olabat feyago.
165 Detlot hu laigim yu lowa, olabat jidan brabli gudbalawei.
166 YAWEI, mi weit langa yu blanga seibum mi.
167 Mi duwit langa ol yu lowa,
168 Mi lisin en bilib blanga ol detlot lowa blanga yu en langa wanim yu tok.
169 YAWEI, mi jingat langa yu blanga album mi,
170 YAWEI, irrim main preya.
171 Ai garra oldei preisimbat yu,
172 Ai garra sing song blanga ol yu lowa,
173 YAWEI, jidan redibala blanga album mi,
174 Mi oldei wandim yu blanga seibum mi brabliwei, YAWEI.
175 Larram mi jidan laibala, wulijim ai garra oldei preisim yu.
176 Mi wokaranbat laiga ship weya imbin los.