1 Gibit theingks langa YAWEI dumaji im na gudwan.
2 Larram ola Isreil pipul tok,
3 Larram ola serramonimen blanga God tok,
4 Larram ol detlot hu weship im tok,
5 Wen aibin ardimbat, aibin jingat langa YAWEI,
6 YAWEI im oldei jidan garram mi.
7 YAWEI na jidan garram mi en im oldei album mi.
8 Im mobeda blanga trastimbat YAWEI blanga jidan seifwan,
9 Im mobeda blanga trastimbat YAWEI blanga jidan seifwan,
10 Ola enami brom ola kantri bin raidaran langa mi,
11 Olabat bin jidan raidaran langa mi,
12 Olabat bin jadimap mi jis laik ola honet,
13 Deibin ranimap langa mi en deibin gulijap binijimap mi,
14 Oni YAWEI na oldei meigim mi jidan brabli strongbala.
15 Irrim ola pipul blanga God jinginatbat gudbinjiwei insaid langa olabat tent dumaji deibin win.
16 Det strongwan pawa blanga YAWEI bin meigim wi win langa wo.
17 Ai kaan neba dai. Ai garra jidan laibala,
18 Imbin panishim mi brabliwei,
19 Opinim ola geit blanga det seikridwan haus blanga mi.
20 Dijan na det geit blanga YAWEI.
21 Mi preisim yu YAWEI dumaji yubin ensim mi,
22 Det ston weya detlot kapinta bin tjakidawei,
23 YAWEI na bin dum dijan.
24 Dijan na det dei blanga YAWEI,
25 YAWEI, seibum melabat.
26 YAWEI, jidan kainbala langa det king hu kaman langa yu neim.
27 YAWEI im na det trubalawan God, en imbin shainim im lait langa melabat.
28 Yu na main God en ai garra gibit yu theingks,
29 Gibit theingks langa YAWEI dumaji im na gudwan.