1 Mi laigim YAWEI, dumaji im oldei irrim langa mi.
2 Ai garra jingat langa im ol main laif.
3 Deth bin gulijap langa mi.
4 Brom deya aibin jingat langa YAWEI,
5 YAWEI im oldei soribala en im gudwan.
6 YAWEI im lukaftumbat ola wikwan pipul.
7 Main hat jidan kwaitbalawei, dumaji YAWEI bin gudbala langa mi.
8 Aibin gulijap dai, bat YAWEI bin seibum mi.
9 Blanga tharran na mi oldei wok garram YAWEI iya langa dijan wel weya pipul jidanbat.
10 Aibin kipgon bilib, nomeda aibin gulijap binijap.
11 Wen aibin apset aibin tok,
12 Wanim ai garra gibit langa YAWEI blanga ola gudbala ting imbin gibit langa mi?
13 Ai garra bringim speshalwan ofring langa YAWEI blanga gibit theingks langa im dumaji imbin seibum mi.
14 Deya lida langa ol im pipul olabat ai garra gibit im wanim aibin pramis.
15 Wen wanbala blanga im pipul olabat dai,
16 Mi blanga yu wekinmen, YAWEI.
17 Ai garra gibit yu theingks garram sekrifais ofring,