1 YAWEI det trubala God bin dalim main Bos,
2 Brom Saiyan na YAWEI garra meigim yu jidan bos blanga loda kantri.
3 Langa det dei wen yu garra fait langa yu enami olabat,
4 YAWEI bin meigim strongbala pramis en im kaan breigim det pramis.
5 Det Bos jidan langa yu raidensaid.
6 Im garra jadjim ola pipul langa ebri kantri, en im garra gaburrumap det faiting pleis garram ola ded bodi.
7 Det king kaan wori blanga im enami olabat na, en im gin dringgim woda brom eni lilwan krik.