1 Wal det speshalwan mesinja im tok mowa,
2 Basdam langa Jerusalem ola yang pipul olabat bin brabli gudwan langa wi, jis laik gol.
3 “Det mamiwan dinggo brabli wailwan bat im oldei gibit daga langa detlot beibiwan blanga im,
4 Dei larram olabat biginini dai brom jidanbat hanggriwan en thestiwan.
5 Detlot pipul hubin oldei abumbat gudwan daga bifo, olabat oldei jidanbat hanggriwan na, en olabat oldei dai ebriweya langa roud.
6 “Blanga main pipul olabat, deibin abum loda panishmen, mowa langa detlot brabli nogudbala pipul blanga Sadam.
7 Basdam ol detlot lidamob blanga wi, dei nomo bin abum enijing rong.
8 Bat tudei olabat jidan dedwan langa ola roud, en nobodi nomo bin sabi wotkain olabat feis. Olabat jidan rotinwan.
9 Detlot hubin dai basdam langa det wo, deibin mowa lakiwan.
10 Im brabli nogudbala ting bin hepin langa main pipul langa Jerusalem.
11 “Basdam YAWEI bin brabli wail langa im pipul langa Jerusalem en imbin jandim faiya blanga barnimap det taun en libum eshis.
12 Basdam ola pipul langa Jerusalem en ola king en lidamob brom najalot kantri bin reken nobodi kaan nokamdan detlot geit blanga Jerusalem en gowin insaid en teikoba.
13 “Bat dijan ting bin hepin lagijat, dumaji detlot speshalwan mesinja blanga Jerusalem deibin brabli nogudbala,
14 Deibin wokabat ebriweya langa ola roud jis laik olabat bin ol blainwan men weya nomo luk gudwei.
15 Ola pipul bin jingat adbala,
16 Wal YAWEI nomo bin lukaftumbat olabat en imbin jandimwei olabat langa difrindifrin kantri.
17 “Wibin weidabat oldei en lukinatbat blanga enibodi garra kaman en album wi brom naja kantri,
18 Detlot enamimob deibin oldei wotjimbat ola roud blanga wi.
19 Detlot enami bin brabli kwikbala wen deibin ranimap wi, jis laik igulok wen im flaiflaibat kwikbala brom top langa graun blanga gajimbat daga.
20 Deibin meigim prisana det boswan king blanga wi weya YAWEI bin pikimat.
21 “Yumob pipul langa Idam en Us hu heidim melabat.
22 Yumob pipul brom Jerusalem bin pei blanga olabat nogudbalawei.