1 ⵓⵍⴰ ⴷ ⵉⵏⴰ ⴷ ⴰⵡⴰⵍⴻⵏ ⵉⵡⴻⵣⵏⴻⵏ ⵏ ⵙⵓⵍⵉⵎⴰⵏ
2 ⴰⵇⴰ ⴷ ⵛⵛⴰⵏ ⵏ ⴰⵔⴻⴱⴱⵉ
3 ⵍⵓⵄⵍⴰ ⵏ ⵓⵊⴻⵏⵏⴰ ⴷ ⵍⴰⴵⴰⵖ ⵏ ⵜⴻⵎⵎⵓⵔⵜ,
4 ⴽⴽⴻⵙ ⴽⵓⴼⴼⵓ ⵣⵉ ⵏⵏⵓⵇⴰⵔⵜ,
5 ⵙⴱⴻⵄⵄⴻⴷ ⵉⵄⴻⴼⴼⴰⵏⴻⵏ
6 ⵡⴰⵔ ⵜⴼⴻⵢⵢⴻⵛ ⵣⵣⴰⵜ ⵉ ⵡⵓⴷⴻⵎ ⵏ ⵓⵊⴻⴵⵉⴷ,
7 ⵎⴰⵖⴰⵔ ⵉⵃⵍⴰ ⴰⴷ ⴰⵛ ⵉⵏⵉⵏ: “ⴳⴻⵄⵄⴻⴷ-ⴷⴷ ⴷⴰ!”,
8 ⵡⴰⵔ ⵜⵜⵇⴻⴵⵉⵇ ⴰⴷ ⵜⴻⴷⵄⵉⴷ,
9 ⵛⴰⵔⵔⴻⵄ ⴰⴽ-ⴷ ⵊⵊⴰⵔ ⵏⵏⴻⵛ,
10 ⵃⵉⵎⴰ ⵡⴻⵏⵏⵉ ⴷ ⴰⵙ ⵉⵜⵜⴻⵙⵍⴰⵏ
11 ⴰⵎ ⵜⵜⴻⴼⴼⴰⵃⵉⵏ ⵏ ⵡⵓⵔⴻⵖ
12 ⴰⵎ ⵉⵛⵜ ⵏ ⵜⵅⴰⴷⴻⵏⵜ ⵏ ⵡⵓⵔⴻⵖ
13 ⴰⵎ ⵡⴻⴷⴼⴻⵍ ⴰⵙⴻⵎⵎⴰⴹ
14 ⴰⵎ ⵉⵙⴻⵢⵏⵓⵜⴻⵏ ⴷ ⵓⵙⴻⵎⵎⵉⴹ ⴱⵍⴰ ⴰⵏⵥⴰⵔ,
15 ⵙ ⵜⵜⴰⵙⵉⵄ ⵏ ⵍⵅⴰⴹⴰⵔ ⵉⵜⵜⵡⴰⵙⵙⴻⵇⵏⴻⵄ ⵍⵃⴰⴽⴻⵎ,
16 ⵎⴰⵍⴰ ⵜⵓⴼⵉⴷ ⵜⴰⵎⵎⴻⵏⵜ,
17 ⵡⴰⵔ ⵙⵙⵔⵓⵙⴰ ⴰⴹⴰⵔ ⵏⵏⴻⵛ
18 ⴰⵎ ⵡⴻⴼⴹⵉⵙ ⴷ ⵙⵙⵉⴼ ⴷ ⴼⵍⵉⵜⵛⴰ ⵉⵇⴻⴹⵄⴻⵏ,
19 ⴰⵎ ⵜⵉⵖⵎⴻⵙⵜ ⵢⴰⵔⵥⴻⵏ
20 ⴰⵎ ⵡⴻⵏⵏⵉ ⵉⵜⵜⴻⴽⴽⵙⴻⵏ ⴰⴱⴰⵔⵜⴻⵙⵙⵓ ⵏⵏⴻⵙ
21 ⵎⴰⵍⴰ ⵉⴵⵓⵥ ⵡⴻⵏⵏⵉ ⵛⴻⴽ ⵉⵛⴰⵔⵔⵀⴻⵏ,
22 ⵎⴰⵖⴰⵔ ⴰⵎⵎⵓ ⵉ ⵜⵢⴰⵔⵔⵡⴻⴷ
23 ⴰⵙⴻⵎⵎⵉⴹ ⵣⵉ ⵛⵛⴰⵎⴰⵍ ⵉⵜⵜⴰⵡⵉ-ⴷⴷ ⴰⵏⵥⴰⵔ,
24 ⵉⵃⵍⴰ ⴰⴷ ⵜⵣⴻⴷⵖⴻⴷ
25 ⴰⵎ ⵡⴰⵎⴰⵏ ⵉⵚⴻⵎⵎⴰⴹⴻⵏ
26 ⴰⵎ ⵉⵊⵊ ⵏ ⵍⵄⵓⵏⵚⴰⵔ ⵉⵜⵜⵡⴰⴼⴻⵙⴷⴻⵏ
27 ⵎⴰⵛⵛⴰ ⵏ ⵡⴰⵟⵟⴰⵙ ⵏ ⵜⴰⵎⵎⴻⵏⵜ
28 ⴰⵎ ⵉⵛⵜ ⵏ ⵜⴻⵏⴷⵉⵏⵜ ⵉⵀⴻⴷⵎⴻⵏ ⴱⵍⴰ ⵍⵃⵉⴹ,