1 ⵡⴰⵔ ⵜⵜⴰⵙⴻⵎ.
2 ⵎⴰⵖⴰⵔ ⵓⵍ ⵏⵙⴻⵏ ⵉⵜⵜⴻⵇⵇⴻⵔ ⵖⴰⵔ ⵓⵔⴻⴷⴷⴻⴵ,
3 ⵜⴰⴷⴷⴰⵔⵜ ⵜᵉⵜⵜⵡⴰⴱⵏⴰ ⵙ ⵜⵉⵖⵉⵜ,
4 ⵙ ⵜⵓⵙⵙⵏⴰ ⵜⵜⵡⴰⵄⴻⵎⵎⴰⵔⴻⵏ
5 ⴰⵔⵢⴰⵣ ⴰⵎⵉⵖⵉⵙ ⵉⵊⵀⴻⴷ,
6 ⵎⴰⵖⴰⵔ ⵉⵜⵜⵅⴻⵚⵚⴰ
7 ⵜⵉⵖⵉⵜ ⵜⵓⵄⵍⴰ ⵅ ⵓⴱⵓⵀⴰⵍⵉ,
8 ⵡⴻⵏⵏⵉ ⵉⵜⵜⵅⴰⵔⵔⵉⵚⴻⵏ ⴷⵉ ⵍⵖⴰⵔ,
9 ⵍⴻⵎⵡⴰⵢⴰⵍ ⵏ ⵓⵅⴰⵔⵔⴻⵚ ⵏ ⵓⴱⵓⵀⴰⵍⵉ ⴷ ⴷⴷⴻⵏⴱ,
10 ⵎⴰⵍⴰ ⵜⴰⵔⵅⵓⴷ ⵣⴻⴳ ⵉⵅⴻⴼ ⵏⵏⴻⵛ
11 ⵙⴻⵏⵊⴻⵎ ⵉⵏⵏⵉ ⵉⵜⵜⵡⴰⵟⵟⴼⴻⵏ
12 ⵎⴰⵍⴰ ⵛⴻⴽ ⴰⴷ ⵜⵉⵏⵉⴷ:
13 ⴻⵛⵛ ⵜⴰⵎⵎⴻⵏⵜ, ⴰ ⵎⵎⵉ,
14 ⴰⵎⵎⵓ ⵉ ⵜⴻⴵⴰ ⵜⵓⵙⵙⵏⴰ ⵏ ⵜⵉⵖⵉⵜ
15 ⴰ ⴰⵄⴻⴼⴼⴰⵏ, ⵡⴰⵔ ⵜᵉⵜⵜⵃⴰⵎⴰ
16 ⵎⴰⵖⴰⵔ ⴰⵎⵙⴻⴳⴳⴻⴷ
17 ⵡⴰⵔ ⴼⴰⵔⵔⴻⵃ ⵉ ⵓⵡⴻⵟⵟⵓ ⵏ ⵍⴻⵄⴷⵓ ⵏⵏⴻⵛ,
18 ⵎⴰⵃⴻⵏⴷ ⵙⵉⴷⵉ ⵡⴰⵔ ⵜ ⵉⵥⴰⵔⵔ
19 ⵡⴰⵔ ⵜⵜⵅⴻⵢⵢⵉⵇ ⴰⵟⵟⴰⵙ
20 ⵎⴰⵖⴰⵔ ⴰⵇⴰ ⵡⴻⵏⵏⵉ ⵉⵜⵜⴻⴳⴳⴻⵏ ⵍⵖⴰⵔ
21 ⴰ ⵎⵎⵉ, ⴳⴳⵯⴻⴷ ⵙⵉⴷⵉ ⴷ ⵓⵊⴻⴵⵉⴷ,
22 ⵎⴰⵖⴰⵔ ⴰⴷ ⴷⴷ-ⵢⴰⵙ ⵓⴹⴻⵢⵢⴻⵄ ⵏⵙⴻⵏ
23 ⵓⵍⴰ ⴷ ⵢⵉⵏⴰ ⴷ \+bdit ⴰⵡⴰⵍⴻⵏ ⵉⵡⴻⵣⵏⴻⵏ\+bdit* ⵏ ⵉⵎⵉⵖⵉⵙⴻⵏ.
24 ⵡⴻⵏⵏⵉ ⵉⵇⵇⴰⵔⴻⵏ ⵉ ⵓⵄⴻⴼⴼⴰⵏ: “ⵛⴻⴽ ⴷ ⴰⵎⵙⴻⴳⴳⴻⴷ!”,
25 ⵎⴰⵛⴰ ⵉⵏⵏⵉ ⵜⴻⵏ ⵉ ⵖⴰ ⵉⵃⴰⴽⵎⴻⵏ,
26 ⴰⵎ ⵉⵊⵊⴻⵏ ⵡⴻⵏⵏⵉ ⵉⵙⵙⵓⴷⵓⵎⴻⵏ ⵉⵢⴻⵏⵛⵉⵛⴻⵏ,
27 ⵙⴻⵡⵊⴻⴷ ⵍⵅⴻⴷⵎⴻⵜ ⵏⵏⴻⵛ ⴱⴰⵔⵔⴰ,
28 ⵡⴰⵔ ⵜⵜⵉⵍⵉ ⴷ ⴰⵛⴻⵀⵀⴰⴷ ⴱⵍⴰ ⵙⵙⵉⴱⴱⴻⵜ
29 ⵡⴰⵔ ⵇⵇⴰⵔ: “ⴰⵎ ⵎⴰⵎⵎⴻⵛ ⵉ ⴷ ⴰⵢⵉ ⵉⴳⴳⴰ,
30 ⵏⴻⵛⵛ ⴽⴽⴻⵖ ⵅ ⵢⴻⵢⵢⴰⵔ ⵏ ⵉⵊⵊ ⵏ ⵓⵎⴻⵄⴳⵓⵣ,
31 ⵅⵣⴰⵔ, ⵜⴳⴻⵄⵄⴻⴷ-ⴷⴷ ⵅⴰⵙ ⵎⴰⵔⵔⴰ ⵜⴻⵢⵣⵉⵜ,
32 ⵍⴰⵎⵉ ⵜⵜ ⵥⵔⵉⵖ, ⴽⵙⵉⵖ ⵜⵜ ⵖⴰⵔ ⵡⵓⵍ ⵉⵏⵓ,
33 “ⴻⵊⵊ ⴰⵢⵉ ⴰⴷ ⵟⵟⵚⴻⵖ ⵛⵡⴰⵢⵜ ⴷⵔⵓⵙⵜ,
34 ⴷⵉⵏⵏⵉ ⴷⴷ ⵖⴰ ⵢⴰⵙ ⵣⵣⴻⵍⴹ ⵏⵏⴻⵛ,