1 ⵄⵇⴻⵍ, ⴰ ⵙⵉⴷⵉ, ⵅ ⵎⵉⵏ ⵉ ⴷ ⴰⵏⴻⵖ ⵉⵎⵙⴰⵔⴻⵏ,
2 ⵜⴻⵡⴹⴰ ⵜⴻⵙⵖⴰⵔⵜ ⵏ ⵍⵡⴰⵔⵜ ⵏⵏⴻⵖ ⵉ ⵉⴱⴰⵔⵔⴰⵏⵉⵢⵢⴻⵏ,
3 ⵏⴻⵛⵛⵉⵏ ⵏⴻⴷⵡⴻⵍ ⴷ ⵉⵢⵓⵊⵉⵍⴻⵏ ⴱⵍⴰ ⴱⴰⴱⴰⵜⵏⴻⵖ,
4 ⴰⵎⴰⵏ ⵏⵏⴻⵖ ⵏⵙⴻⵙⵙ ⵉ-ⵜⴻⵏ ⵙ ⵜⵎⴻⵏⵢⴰⵜ,
5 ⴹⴻⴼⴼⴰⵔⴻⵏ ⴰⵏⴻⵖ ⵅ ⵢⵉⵔⵉ ⵏⵏⴻⵖ,
6 ⴰⵇⴰ ⵏⵙⴰⵔⵔⴻⵃ ⴰⴼⵓⵙ ⵖⴰⵔ ⵎⵉⵚⵔⴰ, ⵖⴰⵔ ⴰⵛⵛⵓⵔ,
7 ⵉⴱⴰⴱⴰⵜⴻⵏ ⵏⵏⴻⵖ ⵅⴹⴰⵏ,
8 ⵉⵎⵙⴻⵅⵅⴰⵔⴻⵏ ⴷⴷⴻⴱⴱⴰⵔⴰⵏ ⵅⴰⵏⴻⵖ,
9 ⵏⴻⵛⵛⵉⵏ ⵏⵙⴻⴱⴱⴻⵍ ⵜⵓⴷⴰⵔⵜ ⵏⵏⴻⵖ
10 ⵜⵉⵍⵎⴻⵛⵜ ⵏⵏⴻⵖ ⵜᵉⵜⵜⴻⵃⴷⵓⴷⵓⵇ ⴰⵎ ⵜⴻⴼⵇⵓⵏⵜ,
11 ⵙⵙⵅⴰⵔⴳⴻⵏ ⵜⵉⵎⵖⴰⵔⵉⵏ ⴷⵉ ⵚⵉⵀⵢⵓⵏ,
12 ⵍⵃⵓⴽⴽⴰⵎ ⵢⵓⵢⵍⴻⵏ ⵜⴻⵏ ⵙ ⵉⴼⴰⵙⵙⴻⵏ ⵏ ⵢⵉⵅⴻⴼ ⵏⵙⴻⵏ,
13 ⵉⵔⵢⴰⵣⴻⵏ ⵉⵊⴻⵀⴷⴻⵏ ⵇⴰⵄ ⴰⵔⴻⴱⴱⵓⵏ ⵉⵥⵔⴰ ⵏ ⵜⵙⵉⵔⵜ,
14 ⵉⵎⵖⴰⵔⴻⵏ ⵙⵙⴱⴻⴷⴷⴻⵏ ⴰⵖⵉⵎⵉ ⴷⵉ ⵜⴻⵡⵡⵓⵔⴰ ⵏ ⵜⴻⵏⴷⵉⵏⵜ,
15 ⵜⵡⴻⴷⴷⴰⵔ ⵍⴻⴼⵔⴰⵃⴻⵜ ⵏ ⵡⵓⵍ ⵏⵏⴻⵖ,
16 ⵉⵡⴹⴰ ⴰⵏⴻⵖ ⵜⴰⵊⵊ ⵅ ⵓⵣⴻⴵⵉⴼ ⵏⵏⴻⵖ.
17 ⵙ ⵓⵢⴻⵏⵏⵉ ⵉⵀⵍⴻⵛ ⵡⵓⵍ ⵏⵏⴻⵖ ⴰⵟⵟⴰⵙ,
18 ⵣⵉ ⵙⵙⵉⴱⴱⴻⵜ ⵏ ⵡⴻⴷⵔⴰⵔ ⵏ ⵚⵉⵀⵢⵓⵏ
19 ⵛⴻⴽ, ⴰ ⵙⵉⴷⵉ, ⴰⴷ ⵜⴻⵇⵇⵉⵎⴻⴷ ⵉ ⵍⴻⴱⴷⴰ,
20 ⵎⴰⵢⴻⵎⵎⵉ ⵜⴻⵅⵙⴻⴷ ⵛⴻⴽ ⴰⴷ ⴰⵏⴻⵖ ⵜᵉⵜⵜⵓⴷ ⵉ ⵍⴻⴱⴷⴰ?
21 ⴰ ⵙⵉⴷⵉ, ⴰⵔⵔ ⴰⵏⴻⵖ-ⴷⴷ ⵖⴰⵔⴻⴽ,
22 ⵎⴰⵖⴰⵔ ⵎⴰ ⵙ ⵜⵉⴷⴻⵜⵜ ⵜⴻⵏⴹⴰⵔⴻⴷ ⴰⵏⴻⵖ ⴽⵓⵍⵛⵉ?