1 ⴰⵍⵉⴼ. ⵎⴰⵎⵎⴻⵛ ⵉⴳⴳⴰ ⵉⴱⴱⴰⵔⵛⴻⵏ ⵡⵓⵔⴻⵖ ⴰⵎⵎⵓ,
2 ⴱⵉⵜ. ⵉⵃⴻⵏⵊⵉⵔⴻⵏ ⵉⵖⵍⴰⵏ ⵏ ⵚⵉⵀⵢⵓⵏ
3 ⴳⵉⵎⴻⵍ. ⵄⴰⴷ ⵜⵓⵛⵛⴰⵏⵉⵏ ⵏ ⵍⴻⵅⵍⴰ
4 ⴷⴰⵍⵉⵜ. ⵉⵍⴻⵙ ⵏ ⵡⴻⵃⴹⵉⴹ
5 ⵀⵉ. ⵉⵏⵏⵉ ⵜⵓⵖⴰ ⵉⵜⵜⴻⵜⵜⴻⵏ ⵣⵉⵛ ⵎⴰⵛⵛⴰ ⵉⵍⴻⴷⴷⴻⵏ,
6 ⵡⴰⵡ. ⵍⵎⵓⵄⵚⵉⵢⵢⴻⵜ ⵏ ⵢⴻⴵⵉⵙ ⵏ ⵍⴳⴻⵏⵙ ⵉⵏⵓ
7 ⵣⴰⵢⵉⵏ. ⵜⵓⵖⴰ ⵜⴰⵔⵡⴰ ⵏ ⵜⴰⵚⵉⵍⴻⵜ ⵏⵏⴻⵙ
8 ⵅⵉⵜ. ⵍⴻⵅⵅⵓ ⵉⴱⴻⴷⴷⴻⵍ ⵡⴰⴷⴷⵓⴷ ⵏⵙⴻⵏ,
9 ⵜⵉⵜ. ⵉⵃⵍⴰ ⵉⵏⵏⵉ ⵉⵜⵜⵡⴰⵏⵖⴻⵏ ⵙ ⵙⵙⵉⴼ,
10 ⵢⵓⴷ. ⵉⴼⴰⵙⵙⴻⵏ ⵏ ⵜⴻⵎⵖⴰⵔⵉⵏ ⵏⵏⵉ ⵜⵓⵖⴰ ⵉⵜⵜⵃⵉⵏⵏⴰⵏ ⵇⴱⴻⵍ,
11 ⴽⴰⴼ. ⵙⵉⴷⵉ ⵢⴰⵔⵅⵓ ⵉ ⵡⴻⵙⵄⴰⵔ ⵏⵏⴻⵙ,
12 ⵍⴰⵎⵉⴷ. ⵄⴻⵎⵎⴰⵔⵚ ⵡⴰⵔ ⵜᵉⵜⵜⵖⵉⵍ
13 ⵎⵉⵎ. ⴷ ⵎⴰⵏ ⴰⵢⴰ ⴷⵉ ⵙⵙⵉⴱⴱⴻⵜ
14 ⵏⵓⵏ. ⵜⴻⵜⵜⵍⵉⵄⴻⵏ ⴰⵎⴻⵛⵏⴰⵡ ⵉⴷⴰⵔⵖⴰⵍⴻⵏ ⴷⴻⴳ ⵉⴱⵔⵉⴷⴻⵏ,
15 ⵙⴰⵎⵉⵅ. “ⴰⴳⴳⵯⴻⵊⴻⵎ, ⴰⵇⴰ ⵉⴷⴰⵎⵎⴻⵏ ⵅⴻⵎⵊⴻⵏ!”,
16 ⴱⵉ. ⴰⵖⴻⵎⴱⵓⴱ ⵏ ⵙⵉⴷⵉ ⵢⴰⵔⴻⵢⵢⴻⵛ ⵉ-ⵜⴻⵏ,
17 ⵄⴰⵢⵉⵏ. ⵍⴻⴱⴷⴰ ⵜⵜⴻⴼⵛⵉⵍⴻⵏⵜ ⵜⵉⵟⵟⴰⵡⵉⵏ ⵏⵏⴻⵖ,
18 ⵜⵙⴰⴷⵉ. ⵏⵉⵜⵏⵉ ⵃⵚⴰⵔⴻⵏ ⴰⵏⴻⵖ,
19 ⵇⵓⴼ. ⵉⵏⵏⵉ ⴷ ⴰⵏⴻⵖ ⵉⴹⴻⴼⴼⴰⵔⴻⵏ
20 ⵔⵉⵅ. ⵏⵏⴻⴼⵙ ⵏ ⵡⴻⵏⵣⴰⵔⴻⵏ ⵏⵏⴻⵖ, ⵍⵎⴰⵙⵉⵃ ⵏ ⵙⵉⴷⵉ,
21 ⵛⵉⵏ. ⵙⵍⵉⵡⵍⴻⵡ ⵓ ⴼⴰⵔⵃ, ⴰ ⵢⴻⴵⵉⵙ ⵏ ⵉⴷⵓⵎ,
22 ⵜⴰⴼ. ⵖⴰⵔ ⵍⵎⵓⵄⵚⵉⵢⵢⴻⵜ ⵏⵏⴻⵎ ⴰⴷ ⵢⵉⵍⵉ ⵓⵏⴻⴳⴳⴰⵔ,