1 ⵢⴰⵔⵔⴰ-ⴷⴷ ⴰⵢⵓⴱ, ⵉⵏⵏⴰ:
2 ⵙⵙⵏⴻⵖ ⵏⵉⵛⴰⵏ, ⴰⵇⴰ ⴰⵎⵎⵓ ⵉ ⵜⴻⴵⴰ,
3 ⵎⴰⵍⴰ ⵏⴻⵜⵜⴰ ⵉⵅⵙ ⴰⴽⵉⴷⴻⵙ ⵉⵎⵛⴰⵔⵔⴻⵄ,
4 ⵏⴻⵜⵜⴰ ⴷ ⴰⵎⵉⵖⵉⵙ ⵏ ⵡⵓⵍ
5 ⵏⴻⵜⵜⴰ ⴷ ⵡⴻⵏⵏⵉ ⵉⵙⵙⵎⵓⵟⵟⵓⵢⴻⵏ ⵉⴷⵓⵔⴰⵔ
6 ⵏⴻⵜⵜⴰ ⴷ ⵡⴻⵏⵏⵉ ⵉⵙⵙⴻⵏⵀⴻⵣⵣⴰⵏ ⵜⴰⵎⵎⵓⵔⵜ
7 ⵏⴻⵜⵜⴰ ⴷ ⵡⴻⵏⵏⵉ ⵉⵜⵜⴰⵎⴰⵔⴻⵏ ⵜⴰⴼⵓⵛⵜ
8 ⵏⴻⵜⵜⴰ ⵙ ⵢⵉⵅⴻⴼ ⵏⵏⴻⵙ ⵡⴰⵀⴰ
9 ⵏⴻⵜⵜⴰ ⴷ ⵡⴻⵏⵏⵉ ⵉⴳⴳⵉⵏ ⴰⵡⵔⴰⴼ ⵏ ⵉⵜⵔⴰⵏ
10 ⵏⴻⵜⵜⴰ ⴷ ⵡⴻⵏⵏⵉ ⵉⴳⴳⵉⵏ
11 ⵅⵣⴰⵔ, ⵏⴻⵜⵜⴰ ⵉⵄⴻⴷⴷⵓ ⵅⴰⴼⵉ, ⵡⴰⵔ ⵜ ⵥⴰⵔⵔⴻⵖ,
12 ⵅⵣⴰⵔ, ⵎⴰⵍⴰ ⵉⵅⴹⴻⴼ ⵏⴻⵜⵜⴰ,
13 ⴰⵔⴻⴱⴱⵉ ⵡⴰⵔ ⵉⵜⵜⴰⵔⵔⵉ ⴰⵖⴹⴰⴱ ⵏⵏⴻⵙ
14 ⵎⴰⵎⵎⴻⵛ ⵉ ⵖⴰ ⴳⴳⴻⵖ ⴰⴷ ⵅⴰⵙ ⴷⴷ-ⴰⵔⵔⴻⵖ,
15 ⵡⴰⵅⵅⴰ ⵏⴻⵛⵛ ⴷ ⴰⵎⵙⴻⴳⴳⴻⴷ,
16 ⵎⴰⵍⴰ ⵅⴰⴼⵉ ⴷⴷ-ⵢⴰⵔⵔ ⵍⴰⵎⵉ ⵍⴰⵖⵉⵖ,
17 ⴰⵇⴰ ⵏⴻⵜⵜⴰ ⵉⵍⴻⴱⴱⴻⵣ ⴰⵢⵉ ⵙ ⵉⵛⵜ ⵏ ⵜⵃⴰⵔⵢⴰⴹⵜ
18 ⵏⴻⵜⵜⴰ ⵡⴰⵔ ⴷ ⴰⵢⵉ ⵉⵜⵜⴻⵊⵊⵉ ⴰⴷ ⴰⵔⵔⴻⵖ ⵏⵏⴻⴼⵙ,
19 ⵎⴰⵍⴰ ⵜⴻⵇⵇⵉⵎ ⵜⵎⴻⵙⵍⴰⵛⵜ ⴷⵉ ⵊⵊⴻⵀⴷ,
20 ⵡⴰⵅⵅⴰ ⵏⴻⵛⵛ ⴷ ⴰⵎⵙⴻⴳⴳⴻⴷ,
21 ⵡⴰⵅⵅⴰ ⵏⴻⵛⵛ ⴱⵍⴰ ⵍⵄⵉⴱ ⵉ ⴵⵉⵖ,
22 ⵅ ⵓⵢⴰ ⵉ ⵖⴰ ⵉⵏⵉⵖ: ‘ⵇⴰⵄ ⴷ ⵉⵛⵜ!
23 ⵎⴰⵍⴰ ⴰⵔⴻⴽⴽⵓⴹ ⵉⵏⴻⵇⵇ ⴷⴻⴳ ⵉⵛⵜ ⵏ ⵜⴻⵛⵜⵉ,
24 ⵜⴰⵎⵎⵓⵔⵜ ⴰⴷ ⵜⴻⵎⵎⴻⵡⵛ
25 ⴷⴻⵖⵢⴰ ⵅ ⵡⴻⵏⵏⵉ ⵉⵜⵜⴰⵣⵣⵍⴻⵏ
26 ⴽⴽⵉⵏ ⴰⵎ ⵜⵖⴰⵔⵔⵓⴱⴰ ⵏ ⵓⵖⴰⵏⵉⵎ,
27 ⵎⴰⵍⴰ ⵏⵏⵉⵖ: ‘ⴰⴷ ⵜⵜⵓⵖ ⴰⵛⴻⵜⵛⵉ ⵉⵏⵓ,
28 ⴰⵎⵎⵓ ⵉ ⵜⵜⴻⴳⴳⵯⴻⴷⴻⵖ ⵣⵉ ⵎⴰⵔⵔⴰ ⵍⴻⵃⵔⵉⵇ ⵉⵏⵓ.
29 ⵏⴻⵛⵛ ⴷ ⴰⵄⴻⴼⴼⴰⵏ,
30 ⵎⴰⵍⴰ ⵙⵙⵉⵔⴷⴻⵖ ⵙ ⵡⴰⵎⴰⵏ ⵏ ⵡⴻⴷⴼⴻⵍ,
31 ⵄⴰⴷ ⴰⴷ ⴰⵢⵉ ⵜⵏⴻⵜⵢⴻⴷ
32 ⵎⴰⵖⴰⵔ ⵏⴻⵜⵜⴰ ⵡⴰⵔ ⵉⴵⵉ ⴷ ⴱⵏⴰⴷⴻⵎ ⴰⵎ ⵏⴻⵛⵛ,
33 ⵡⴰⵔ ⴷⵉⵏ ⵉⴵⵉ ⵍⵄⴰⴷⴻⵍ ⵊⴰⵔ ⴰⵏⴻⵖ,
34 ⴻⵊⵊ ⵉ-ⵜ ⴰⴷ ⵅⴰⴼⵉ ⵉⴽⵙⵉ ⴰⵄⵎⵓⴷ ⵏⵏⴻⵙ,
35 ⵅⴻⵏⵏⵉ ⴰⴷ ⵙⵙⵉⵡⵍⴻⵖ