1 ⵅⴰⵙ ⵓⵛⴰ ⵢⴰⵔⵔⴰ-ⴷⴷ ⴱⵉⵍⴷⴰⴷ, ⵡⴻⵏⵏⵉ ⴷⴷ-ⵢⵓⵙⵉⵏ ⵣⵉ ⵛⵓⵃⴰ, ⵉⵏⵏⴰ:
2 ⵎⴻⵛⵃⴰⵍ ⵉ ⵖⴰ ⵜⴻⴽⴽⴻⴷ ⵜⴻⵙⵙⴰⵡⴰⵍⴻⴷ ⴰⵎⵎⵓ,
3 ⵎⴰ ⴰⴷ ⵉⵙⵙⴼⴰⵔⵖ ⴰⵔⴻⴱⴱⵉ ⵜⴰⵙⵖⴰⵔⵜ,
4 ⵎⴰⵍⴰ ⴰⴽⵉⴷⴻⵙ ⵅⴹⴰⵏ ⵉⵃⴻⵏⵊⵉⵔⴻⵏ ⵏⵏⴻⵛ,
5 ⵎⴰⵍⴰ ⵛⴻⴽ ⵜⴰⵔⴻⵣⵣⵓⴷ ⴰⵔⴻⴱⴱⵉ ⵙ ⵊⵊⴻⵀⴷ,
6 ⵎⴰⵍⴰ ⵜⴻⴵⵉⴷ ⴷ ⴰⵎⴻⵣⴷⴰⴳ ⵓ ⵜⵙⴻⴳⴳⵎⴻⴷ,
7 ⵡⴰⵅⵅⴰ ⵜⴰⵎⴻⵣⵡⴰⵔⵓⵜ ⵏⵏⴻⵛ
8 ⵡⴰⵀ, ⵙⴻⵇⵙⴰ ⵅⴻⵏⵏⵉ ⵖⴰⵔ ⵊⵊⵉⵍ ⵉⵄⴷⵓⵏ,
9 ⵎⴰⵖⴰⵔ ⵏⴻⵛⵛⵉⵏ ⵏ ⵉⴹⴻⵏⵏⴰⴹ ⵡⴰⵀⴰ,
10 ⵎⴰ ⵡⴰⵔ ⵛⴻⴽ ⵙⵙⴻⵍⵎⵉⴷⴻⵏ ⵏⵉⵜⵏⵉ,
11 ⵎⴰ ⵉⵖⴻⵎⵎⵉ ⵓⵖⴰⵏⵉⵎ ⵏ ⴱⴰⴱⵉⵔⵓⵙ
12 ⵅⵎⵉ ⵉⵜⵜⵏⴻⵡⵡⴰⵔ, ⵡⴰⵔ ⵉⵎⵊⴰⵔ ⵄⴰⴷ,
13 ⴰⵎⵎⵓ ⵉ ⴵⴰⵏ ⵉⵎⴻⵙⵔⴰⵇ
14 ⵎⵉⵏ ⵅⴻⴼ ⵉⵄⴻⵎⵎⴻⴷ, ⴰⴷ ⵉⵜⵜⵡⴰⵇⴹⴻⵄ,
15 ⴰⴷ ⵉⵙⴻⵏⵏⴻⴷ ⵅ ⵜⴰⴷⴷⴰⵔⵜ ⵏⵏⴻⵙ,
16 ⵏⴻⵜⵜⴰ ⴷ ⴰⵣⵉⵣⴰ ⴷⵉ ⵜⴼⴰⵡⵜ ⵏ ⵜⴼⵓⵛⵜ,
17 ⵉⵥⴻⵡⵔⴰⵏ ⵏⵏⴻⵙ ⵎⵎⵓⴷⴻⵏ ⵉⵅⴻⴼ ⵏⵙⴻⵏ
18 ⵎⴰⵍⴰ ⵏⴻⵜⵜⴰ ⵉⵇⴻⴵⴻⵄ ⵉ-ⵜ
19 ⵅⵣⴰⵔ, ⵜⴰ ⵜⴻⴵⴰ ⴷ ⵍⴻⴼⵔⴰⵃⴻⵜ
20 ⵅⵣⴰⵔ, ⴰⵔⴻⴱⴱⵉ ⵡⴰⵔ ⵉⵏⴻⵟⵟⴰⵔ
21 ⵄⴰⴷ ⴰⴷ ⵉⵛⵛⵓⵔ ⴰⵇⴻⵎⵎⵓⵎ ⵏⵏⴻⵛ
22 ⵉⵎⴻⵛⵔⴰⵀ ⵏⵏⴻⵛ ⴰⴷ ⵢⴰⵔⴹⴻⵏ ⵍⴻⴼⴹⵉⵃⴻⵜ