1 نشّْ أَذْ بدّغْ
2 يَارَّا-د خَافِي سِيذِي، إِنَّا:
3 مَاغَارْ ڒوْحِييْ إِتّْرَاجَا عَاذْ
4 خْزَارْ، أَقَا إِتُّوفّْ، وَاهْ،
5 س ثِيذتّْ، بِينُو أَقَا إِشمّثْ!
6 مَا وَارْ د خَاسْ تِّيوْينْ
7 مَا وَارْ د-تّكَّارنْ س ڒْغفْڒثْ
8 مَاغَارْ شكْ ثْكشّْضذْ أَطَّاسْ ن ڒڭْنُوسْ،
9 ؤُشْثْ خْ ونِّي إِكسّْبنْ س ڒْغشّْ
10 شكْ ثْشَاوَارذْ ڒفْضِيحثْ إِ ثَادَّارْثْ نّشْ،
11 مِينْزِي أَژْرُو إِسْغُويُّو-د زِي ڒْحِيضْ،
12 ؤُشْثْ خْ ونِّي إِبنَّانْ
13 خْزَارْ، مَا وَارْ إِدْجِي زِي سِيذِي ن ڒْعسْكَارَاثْ،
14 مَاغَارْ ثَامُّورْثْ أَذْ ثتّْوَاشُّورْ
15 ؤُشْثْ خْ ونِّي إِ غَا إِسّسْونْ جَّارْ نّسْ،
16 أَذْ ثسّجِّوْنذْ إِخفْ نّشْ س ڒفْضِيحثْ
17 مَاغَارْ ڒْعُونْفْ إِ ثڭِّيذْ ضِيدّْ إِ لُوبْنَانْ
18 مَا ثِيزِي ن إِجّْ ن ڒخْيَاڒْ إِنقْشنْ،
19 ؤُشْثْ خْ ونِّي إِقَّارنْ إِ ؤُكشُّوضْ ’فَاقْ!‘
20 سِيذِي أَقَا-ث ذِي زَّاوشْثْ نّسْ إِقدّْسنْ.