1 Tayta Dios, cuyapäcoj cashayquipitami imaypis alabashayqui.
2 Nogaga willacushaj wasipa alli simintunnöpis imaycamapis cuyacoj cashayquitami.
3 Davidwanpis allimi parlacurayqui.
4 «Nogami camacächishaj gampita mirajcuna
5 Tayta Dios, janaj pachacho caycajcunami alabashunqui
6 ¡Manami ima diospis, ni syëlucho caycajcunapis gammanga tincunchu!
7 Janaj pachacho llapan shuntacasha caycashanchöpis gamtaga manchacushunquimi.
8 Ima-aycapäpis munayniyoj Tayta Dios ¿piraj gammanga tincunman?
9 Bötiypa bötiycaj lamarta gammi chawächinqui.
10 Lamarcho manchacuypaj caycaj waräcuytapis wañusha runatanöllami ñitirishcanqui.
11 Syëlupis cay pachapis gamllapami.
12 Mundutaga juc cuchunpita jucaj cuchuncama gammi camashcanqui.
13 Gamga munayniyojmi canqui.
14 Gam mandashpayquega allitami ruraycanqui, rasun cajtami ruraycanqui.
15 Cushishami cawanga alabashojcunaga,
16 Paycunaga jutiquita parlashpan cushisha goyan.
17 Chayno goyanga munayniyoj cananpaj rispitasha cananpaj yanapaptiquimi.
18 ¡Tayta Dios, gammi canqui chapacuna escüdö!
19 Unayga acrashayqui runacunata ribilaypami tantiyachirayqui.
20 Sirbimaj Davidtami acrashcä.
21 Paytaga imaypis yanapäshämi.
22 Chiquejcunapis manami magangachu.
23 Payta chiquejcunataga llapirishämi.
24 Paytaga yanapaycäshämi.
25 Mediterráneo lamarpita Éufrates mayucama mandananpämi camacächishaj.
26 Paymi nimanga: ‹Gammi papänë canqui.
27 Nogapapis payga guechpa wamrämi canga.
28 Paytaga imaypis chaynöllami cuyaycäshaj.
29 Syëlu manaraj ushacashancamaga paypita mirar aywajcuna imaypis mandaycangami.
30 «Yachachishäta paycuna gongaycuptin,
31 laynëta mana cumliptin,
32 castigashaj gueruwan wiruypapis mana wiyacamashanpita, mana allicunata rurashanpita.
33 Chaypis Davidtaga mana cachariypami cuyaycäshaj.
34 Paywan parlacushätaga manami rucachishächu.
35 Davidtaga aunishcä jutëcho jurarmi.
36 Paypita mirar aywajcunaga imaypis mandaycangami.
37 Mandaj cashanga canga quillano.
38 Chayno aunisha caycashpayquipis
39 Umancho caycaj corönantapis pampamanmi jitarishcanqui.
40 Siudänincunapa curralnincunatapis gashargärishcanquimi.
41 Pï-maypis chaypa päsajcunaga munashantami suwapan.
42 Davidta chiquejcuna callpayoj cananpämi yanapashcanqui.
43 Raypa fïnu sablin caycajcunatapis ronguyächishcanqui.
44 Munayniyoj caynintami guechushcanqui.
45 Mösu cashan timpupis manami alliga cawachishcanquichu.
46 Tayta Dios, ¿imaycamaraj pacaräcunqui?
47 Tayta Dios, yarpäriy ari noga päsacojlla cashäta.
48 Manami pipis canchu mana wañöga.
49 Tayta Dios, ¿maytaj ñaupata cuyacoj cashpayqui
50 Tayta Dios, wiyaycuy ari.
51 Tayta Dios, chiquishojcunaga asipaycämanmi.
52 Tayta Diosga imaycamapis alabasha cachun.