1 Marca-masëcuna, yachachishäta sumaj yachacuy.
2 Cananga sumaj willapäshayqui.
3 Wiyashanchïta, musyashanchïta
4 Noganchïpis wamranchïcunata willapäshun
5 Tayta Diosga layta willapar yachachiran Israelcuna wiyacunanpaj.
6 guepa caj wamrancunapis llapanta musyananpaj,
7 Chaynöpanami Tayta Diosman yäracur alli goyäshun.
8 Chaura unay caj awilunchïcuna mana wiyacoj,
9 Efraín trïbu runacuna,
10 Tayta Dioswan parlashantapis manami cumliranchu.
11 Tayta Dios ima allita rurashantapis,
12 Tayta Diosga milagrucunata ruraran taytancuna ricaycaptinmi
13 Lamar yacuta ishcan-läman raquirirmi chaupipa päsachiran.
14 Junajpaga pushaptin pucutay ichiraycaj ñaupaparan.
15 Chunyaj chaqui jircacho gagatapis shillirachiran.
16 Tayta Dios gagapita yacuta llojshichimuran.
17 Chayno ruraycaptinpis awilunchïcunaga juchata ruraran.
18 Gustashallan micuyta mañashpan musyapayta munaran.
19 Tayta Diospa contran rimaran:
20 Diosga rasunpami gagatapis shillirachiran.
21 Chayno parlajta wiyaycur Tayta Diosga rabyacurcuran.
22 Paycunaga manami yäracuranchu Tayta Diosman.
23 Chayno caycaptinpis Tayta Diosga pucutayta cachamuran.
24 Acrashan runacunaman shicwachimuran manäta.
25 Anjilcunapa tantantami runa micuran.
26 Tayta Diosmi munayninwan wayrata wayrächimuran.
27 Chay wayrawanmi acrashan runacunamanga aychata chayachimuran.
28 Israelcuna tiyarcaycashan partiman y tolduncunapa ñaupancunaman Tayta Dios shicwachimuran.
29 Chaura runacunaga micuran sacsananyaj.
30 Chayraj cushisha micurcaycaptin,
31 contran jatarishanpita Tayta Diosga rabyacurcuran.
32 Chaypis yapaymi juchata ruraran.
33 Chaynöpami Tayta Diosga camacächiran illajpita jämayta cachaynölla wañunanpaj.
34 Castigaptinrämi paycunaga Tayta Diosman yäracoj.
35 Chayrämi yarpärej paycunataga Tayta Dios imapitapis chapashpan
36 Paycunaga janan shongullami Tayta Diosta alabaj.
37 Manami rasun cajtaga nejchu.
38 Imano captinpis Tayta Diosga cuyaparanmi.
39 Tayta Diosga yarpäriran paycuna runalla cashanta,
40 ¡Achca cutimi chunyajcho Tayta Diostaga rabyachiran!
41 ¡Achca cutimi Tayta Diostaga musyaparan!
42 Gongaycärirannami juc junaj Tayta Dios munayninwan chiquejcunapita salbashanta.
43 Manami yarparannachu Egiptucho caycaj Zoán particho
44 Chaychömi mayucunatapis yawarman ticrarachiran.
45 Paycunacho yurichiran upucruycunata säpucunata.
46 Chüpacacunatanami yurichiran Egipto runacunapa micuynincuna wayuraycajta ushananpaj.
47 Runtu tamyawan gasapawanmi illgächiran übascunata, ïguscunatapis.
48 Runtu tamyawan räyuwannami wäcancunata, uyshancunatapis wañurachiran.
49 Tayta Diosmi fiyupa rabyashpan Egipto runacunataga castigaran.
50 ¡Fiyupa rabyasha cashpanmi mana cuyapaypa ushariran!
51 ¡Egipto runacunapataga guechpa ollgu wamrancunatapis jinanchömi wañurachiran!
52 Israel famillyacunataga jorgamuran juc röpa uyshatano.
53 Paycunataga mana manchacunanpaj allimi pusharan.
54 Acrashan runacunataga pushamuran aunishan partiman.
55 Israelcunawan tacucänanpita quiquin Tayta Diosmi garguran payta mana rispitajcunataga.
56 Ichanga Tayta Diosta musyapänanpaj rurachiyta munaran.
57 Paycunaga unay caj awiluncunanömi Tayta Diospa contran ricacuran.
58 Mana sirbej altarta puytush lömacunacho rurar,
59 Chayno rurajta ricashpanmi Tayta Diosga fiyupa rabyacurcuran.
60 Cachaycuranna Silo particho caycaj wasintapis.
61 Chaymi conträtu babulnintapis contrancuna apacunanpaj camacächiran.
62 Fiyupami rabyasha caycaran acrashan runacunapäga.
63 Mösucunataga guërrami ninano ushacurcuran.
64 Cüracunapis sabliwan wañuran.
65 Chay örami runa puñushanpita riccharamojno Tayta Dios jataricurcuran.
66 contrancunataga binsir gaticacharan.
67 Josëpita mirar aywajcunata mana yanaparannachu.
68 Chaypa ruquenga Judäpita miraj cajtawan
69 Chaychönami rispitädu wasinta syëlutano fiyupa jatunta ruraran.
70 Sirbejnin Davidtapis uyshëru caycajta acraran.
71 Paytaga uyshata gatisha puriycajta jorgurcurmi
72 Davidga alli shongu carmi Israelcunata alli ricaran.