1 Tayta Diostami sinchi gaparaypa mañacö pay wiyamänanpaj.
2 Llaquisha caycashä öra Tayta Diosta mañacö.
3 Tayta Diosta yarpärishpäga wagämi.
4 Tayta Dios, manami puñuchimanquipischu.
5 Ñaupa watacunapaj, unaycunapaj yarpärë.
6 Chacaycuna alabashäta yarpärë.
7 «Tayta Diosga ¿chaynöllachuraj rabyasha caycanga?
8 ¿Cuyacoj caynin ushacäcushanachuraj?
9 ¿Cuyapäcoj cashanta Tayta Diosga gongaycushachuraj?
10 Yapay në: «Fiyupa llaquicö Tayta Dios
11 Unay watacunacho Tayta Diosninchi almiraypajcunata rurashallantami yarparäshaj.
12 Unaycuna milagrucunata rurashallanpaj yarpachacushaj.
13 Tayta Dios, gamnöga manami juc canchu.
14 ¡Tayta Dios, gammi fiyupa almiraypajcunata ruranqui!
15 Munayniquiwanmi jorgamushcanqui acrashayqui runacunata.
16 Tayta Dios, lamar yacupis ricashushpayquega fiyupami cuyuriran.
17 Pucutaypitapis tamyami shicwamuran.
18 Shucucuy wayracho räyuyqui pashtashanpis wiyacashami.
19 Lamar gochapami nänita rurarirayqui.
20 Acrashayqui runacunataga uyshata gatejnömi pusharayqui.