1 Tayta Dios jatarinman ichanga chiquejcuna mashtaypa mashtar gueshpinanpaj,
2 Goshtay wayracho illgajno illgächun.
3 Allita rurajcuna ichanga cushicuchun.
4 Tayta Diosta alabay-llapa.
5 Rispitädu Wasincho tiyaj Tayta Diosga wacchacunapa papäninmi,
6 Famillyaynajcunataga Tayta Dios yanapanmi juc pachacho tiyananpaj.
7 Tayta Dios, acrashayqui runacunapa ñaupanta chunyajpa shamuptiqui Selah
8 cay pachapis sicsicyaran.
9 Tayta Dios, gammi tamyata alli tamyachimurayqui.
10 Chay partichönami acrashayqui runacuna tiyacaycärisha.
11 Tayta Dios, willapata willacachiran.
12 «¡Raycunaga suldäruncunawan gueshpirmi aywacurcaycan!» nir.
13 goripita cajcunata, guellaypita cajcunata.
14 Tayta Dios, munayniyoj raycunata gaticachashan öra
15 Fiyupa altumi Basán jircacunaga.
16 Altu jircacuna, puntacuna
17 Tayta Diospa pillyapaj carrëtancunaga millunninpami.
18 Tayta Dios, prësucunata apacurcurmi janajman aywacushcanqui.
19 Alabasha cachun Salbacoj Tayta Diosninchëga.
20 Diosninchëga imapitapis salbacoj Diosmi.
21 Diosga chiquejcunapa umanta llapirengami.
22 Tayta Diosmi nisha: «Basán puntapitapis cutichimushayquimi.
23 chaquiquicunatapis chiquinacushayquipa yawarninwan pucaypa pucachinayquipaj,
24 Masqui ricay, Tayta Diosnëmi wasinman yaycuycan.
25 Cantajcunami ñaupa-puntata aywarcaycan, guepantanami tucajcuna.
26 ¡Gamcunaga llapaniqui Tayta Diosta alabay!
27 Llapanpa shullcan Benjaminpita mirajcunami ñaupa-puntata aywarcaycan,
28 Tayta Dios, munayniyoj cashayquita musyachicuy.
29 Jerusalencho Templuyquimanmi
30 Ututucunacho tiyaj animalta piñacuy.
31 Egiptupitami shamonga faraonpa cachancuna.
32 Cay pachacho mandajcunaga Tayta Diosta alabay.
33 Tayta Diosga syëlupami purin.
34 «Fiyupa munayniyojmi Tayta Diosga» niy.
35 Wasincho fiyupa manchanami Tayta Diosga.