1 Quiquin munashanno cawajcunaga quiquillanpämi imatapis ashin.
2 Mana tantiyacoj upacunaga imata yachacuytapis manami munanchu.
3 Mana allita rurajcunaga pengaychömi ricaconga.
4 Yachaj runa parlashanga achca yacuta pashtaj pucyunömi bindisyun caycan.
5 Autoridäcuna juchayojcunapa faburnin captenga manami allichu.
6 Mana tantiyacojcunaga shimillanpitami rimanacuyman chayan.
7 Mana tantiyacoj upacunataga shimillanmi mana alliman chayachin.
8 Washa-rimacunaga rimanpis mishquillarämi.
9 Guella runacunawan fiyu runacunaga
10 Tayta Diosga caycan mana tunej alli arusha törrinömi.
11 Rïcu runaga yarpan imapis mana chayanantami.
12 Alli-tucojcunaga ushapacaymanmi chayanga.
13 Tapucunanpaj caycajta manaraj sumaj musyar willayga
14 Cushisha carga gueshyaycashanpitapis allchacanmi.
15 Alli yachaj runawan alli tantiyaj runaga
16 Imallatapis buluntäninpa goycuptenga pï-maypis allimi jamachin.
17 Rasun cajtanöraj dimandacur «caynömi, wacnömi casha» niptin
18 Sasa arriglaytaga ushacächin surtita jitaypanami.
19 Sumaj curalasha siudäpa pergancunata juchuchiypis fäsirämi canman wauguin jagayächishan runata shogananpitaga.
20 Runaga parlashanwanmi imatapis chasquenga.
21 Wañuytapis cawaytapis shiminpitami tarin.
22 Furmal warmiwan majachacayga fiyupa allimi.
23 Pobriga alli shimillanpami imapitapis ruwacun.
24 Waquenga amïgupis ichicllapämi caycan.