1 Runaga imata ruraytapis yarpanmi.
2 Runataga llapan rurashancunapis alli-niräpunmi.
3 Imata ruranayquipaj yarpashayquitapis Tayta Diospa maquinman churay.
4 Tayta Diosga yarpashanno cananpämi llapantapis camasha.
5 Alli-tucojcunataga Tayta Dios melanäcunmi.
6 Rasunpa cuyarga juchanpita perdunanmi.
7 Tayta Dios munashanno runa cawar alli goyaptenga
8 Ichicllatapis quiquin ñacar tarishanmi mas alliga
9 Runaga imata rurananpäpis yarpachacun.
10 Rayga Tayta Dios musyachishancunatami riman.
11 Alli pësa cananpaj, alli tupu cananpäpis Tayta Diosmi camacächisha.
12 Raycunaga mana alli ruraycunata melanäcunmi.
13 Runa mana chapaypa rasun cajta rimaptenga
14 Ray ollgucurcuptenga wañuchichinanpaj cashan musyacannami.
15 Ray cushishalla captenga runacunapis allilla goyaytami yarpan.
16 Gorita chararashanpita mas alliga yachaj caymi.
17 Alli runacunaga jucha ruraypita witicunmi.
18 Alli-tucojcunaga ushapacangami.
19 Alli-tucoj rïcucunawan goturänanpitaga
20 Tayta Dios nishanta wiyacorga allichömi canga.
21 Allita yarpachacojcunataga «yarpaysapa» ninmi.
22 Alli yarpayniyoj cashanga cawachicoj yacunömi.
23 Yarpaysapacunaga sumaj yarpachacurcurmi imatapis riman.
24 Alli shimillanpa parlashanga urunguypa mishquinnörämi.
25 Runataga purishancuna alli-niräpunmi.
26 Aroj runaga micunanpämi arun.
27 Fiyu runaga rataycaj jurnunömi.
28 Fiyu runacunaga imay örapis rimanacachiyllatami ashiycan.
29 Fiyu runaga amïguntapis engañanmi.
30 Mana allita rurayta yarpajcunaga ñipchipayllapami sëñata rurashunqui.
31 Allillata rurajcunaga chachayänancamami cawan.
32 Alli chölu-tucuypitaga mas alli pasinsacuymi.
33 Imata rurananpäpis runaga surtitami jitan.