1 «Waräcuy Leviatantaga
2 ¿Senganpita charichinquichuraj juc llanu wascallawan?
3 Cuyapänayquipaj ¿ruwashunquimanchuraj?
4 ¿Gamga jurachinquimanchuraj imaycamapis sirbishunayquipaj?
5 ¿Paywanga pucllanquimanchuraj iti äbiwan juc runa pucllajno?
6 ¿Nigusyanticunaga chayta rantiyta munanmanchuraj?
7 ¿Lëchayquiwan tucsirinquimanchuraj garan rurinyaj päsajpaj?
8 Payta yatayllapis yataycuptiquega
9 Leviatanta chariyta yarpashanpis yangami.
10 Pipis gallariparcuptenga fiyupami rabyacurcun.
11 ¿Pitaj nogata imatapis gomasha cutichinäpäga?
12 «Leviatanpa chaquincuna,
13 ¿Piraj jorgunman intëru jananta chaparaycajta?
14 ¿Piraj shiminta quicharinman?
15 Wajtan lömunpis caycan fïlayllanpa chapacunawan sumaj chapashami.
16 Jucnin-jucninman fiyupa chanajmi lagacasha caycan.
17 Chaycunaga jucnaylla sumaj jiracashami caycan.
18 Wishgaptenga illguynörämi senganpa llojshimun.
19 Shiminpitapis llojshin nina ratataycajraj.
20 Senganpitapis llojshin goshtayraj
21 Jämaynenga nina upisha caycaj carbuntapis shanshachinmi.
22 Cuncanpis fiyupa chucru callpayojmi.
23 Cuerpuncho mas caycaj aychanpis caycan
24 Puywayninpis paypaga gagano chucru, tunaynöpis chucru.
25 Pay rabyaptenga guërracho binsejcunapis mancharishami ricacun.
26 Sabliwan cuchuptinpis manami mayachinchu.
27 Paypäga fyërrupis ogshanöllami caycan.
28 Lëchawan illaparpis manami gueshpichinquichu.
29 Jatun mäsuwan wiruptinpis cashpiwan wirushannöllami.
30 Mitunpa garachaypa aywarga wayanchatarämi rurarin.
31 Yacunpa aywarga may-may ruri lamartapis timpurachimun
32 Aywashan guepanpaga yacu quëdan yur'garaycar achicyaypa achicyar-raj.
33 Chay-niraj animalga manami canchu cay pachachöga.
34 Mas munayniyojcunatapis manacajmanmi churan.