1 Chayno niptin Temán runa Elifazga Jobta niran:
2 «Job, imallatapis parlaparcuptë capaschari rabyacunquipis.
3 Gamga achcajtami willapar tantiyachej canqui.
4 Mana alliman chayajcunata shacyächir yanapaj canqui.
5 Quiquiqui mana alliman chayashpayqui ichanga mana awantanquichu;
6 Gamga llapan shonguyquipami Tayta Diosta sirbinqui.
7 Masqui yarpäriy, ¿piraj juchaynaj caycar mana alliman chayasha?
8 Nogaga musyämi,
9 Tayta Diosga mana alli runacunatami rabyar castigan.
10 Liyuncunano wagaptin, gaparpaptinpis,
11 Paycunaga wañongapaj cäsata mana tarej liyuncunanömi.
12 «Pacayllapami willapämasha.
13 Llapan runacuna wañusha puñuycänan örami
14 Chaymi fiyupa mancharirä.
15 Jämay wall-wallyamojta mayashcä.
16 Ñaupächo juc caycajtanömi mayashcä.
17 ‹Juc runaga Tayta Diospa ñaupancho ¿juchaynaj canmanchuraj?
18 Janaj pachacho sirbiycajcunatapis manami pasaypaga yäracunchu.
19 ¡masrächari runataga «juchayoj» nenga!
20 Runaga illajpitami illaraycan.
21 Chutaycaptin jïlu rachicäcojnömi runaga usharaycan.