1 Upällalla caycashanpita Jobga rimayta gallaycuran. Chayno rimarmi yurishan junajpaj pësacuran.
2 Pay niran:
3 «¡Imapäraj yuriräpis!
4 ¡Imanöparaj chay junaj yanauyaycaj chacayman ricacunman caran!
5 ¡Chay öraga imanöparaj fiyupa yanauyayparaj chacacurcunman caran!
6 ¡Chay chacayga chacaylla cacunman caran!
7 ¡Chay chacayga ama imapis yurinmanchu caran!
8 ¡Waräcuy Leviatanta munaynincho chararaycaj brüjucuna
9 ¡Chay tutaga warajpis ama yagamunmanchu caran!
10 ¡Chayno ruracäcunman caran fiyupa cayno noga ñacanäpaj chay chacay yurishäpita!
11 «¡Imanir-raj mana wañucurächu mamäpa pachallancho,
12 Nogataraj margaycämaranpis.
13 Chay öra wañucushpäga canan cushishami caycäman caran.
14 jatusaj wasicunata rurachicoj raycunawan mandäshejnincunawan,
15 guellayta goritapis palasyunman juntachicoj mandajcunawan iwal.
16 ¡Imanir-raj mana pampaycamaranchu shullutano,
17 Wañorga fiyu runacunapis
18 Prësucunapis chayman chayarga jamacunnami.
19 Chaychöga jatunpis tacshapis iwalmi carcaycan.
20 «Ñacaycajtaga ¿imanirtaj Tayta Dios achicyaj pachata ricachin?
21 Paycunamanga wañuypis manami chayanchu
22 Chay runapäga cushicuy cangapaj
23 ¿Imapänataj Tayta Diospis cawachin mayman aywaytapis mana musyaj runataga?
24 «Llaquicuyllämi micuynënöpis;
25 Llapanta manchacushäpitapis
26 Nogapäga mananami cannachu jamay ni jauca goyaypis.