1 «¡Chaypitami nogapa shongöpis fiyupa tic-ticyaycan!
2 Masqui wiyay Tayta Diospa busnin sinchipa wiyacämushanta,
3 Paymi illguywan achicyächin allpapa juc cuchunpita juc cuchuncama.
4 Chayno wiyacan sinchipa junrurumushan
5 Dios busninta junruruchimuptenga fiyupa almiraypämi ruracan.
6 Paymi nin rashta cay pachaman shicwamunanpaj.
7 Chaynöpami camacächin runacuna wasinpita mana llojshinanpaj.
8 Animalcunapis machaycunaman yaycur
9 Ura caj-läpitami löcu wayra shamun.
10 Dios pücaptinmi gasapapis ruracan.
11 Paymi camacächin yacuta pucutay jogarinanpäpis.
12 Chaura illguynin pillgut-pillgutyar syëlupa aywan.
13 Aybësiga chaycunawanmi Tayta Diosga cay pachata castigan.
14 «Job, sumaj tantiyacunayquipaj wiyamay.
15 ¿Gam musyanquichu Tayta Dios chaycunata imano camacächishantapis?
16 ¿Gam musyanquichu wayrawan pucutay imano puriycashantapis?
17 Wapuriypa acaptin
18 Gamga Tayta Diosta ¿yanapanquimanchu mana cuyucoj cananpaj syëluta mashtäshiyta?
19 «Nogacunata yachachimay imano Tayta Diosta ruwacunäpäpis.
20 Nogaga manami Diospäga nëmanchu ‹Paywan parlaytami munä› niyllapis.
21 Pucutay yanamaraycashan öraga manami ricanchïchu intitapis.
22 Punta janancunapa norte caj-läpami garwanchucarcamun.
23 Munayniyoj Tayta Dios rurashanta manami tantiyanchïchu.
24 Chaynöpami llapan runacuna manchacun.