1 Elihú jinalla willapaycaran:
2 «Ichicllata shuyaycuy. Noganami willapar yachachishayqui.
3 Yachashätaga llapantami willapäshayqui.
4 Manami imatapis llullacuypaga nishayquichu.
5 «Diosga fiyupa munayniyojmi; fiyupa yachajmi.
6 Fiyu runacunataga wallca diyallami cawachin.
7 Allillata ruraj runacunataga imapitapis simrimi chapan.
8 Capaschari alli runacunaga cadinacunawan wataranman.
9 Chaura Diosga musyachin ima mana allita rurashancunatapis
10 Chay runata corrijishpan willapan.
11 Diosta wiyacur cumlishpanga
12 Mana wiyacushpanmi ichanga wañun.
13 Fiyu runacunami ichanga ñacarpis fiyupa rabyan.
14 Manaraj edäman chayallarmi wañun.
15 Ñacachir-rämi Tayta Diosga runata tantiyachin.
16 «Gamtapis salbaycäshunqui fiyupa ñacaycajta,
17 Fiyu runacunata castïgu chayashallanpämi gamga yarpachacuycanqui.
18 Rabyashpayqui Tayta Diosta manacajman churargunquiman.
19 Ñacar llaquicuycashayqui öraga may-jina gaparaptiquipis may-jina alliyayta munaptiquipis yanganami canga.
20 Pacha chacänanta ama munaychu.
21 Imano ñacay cashantapis musyaycashpayquinaga
22 «Sumaj tantiyacuy Dios fiyupa munayniyoj cashanta.
23 Paytaga imata rurananpäpis manami pipis ninchu.
24 Pay camashantaga llapan runami alaban.
25 Llapan runami Tayta Dios rurashantaga rican.
26 Diosga fiyupa munayniyojmi.
27 Paymi yacuta jutuy-jutuylla juc pachaman shuntacächin.
28 Tamyaga pucutaycunapitami shicwaycämun.
29 ¿Pitaj tantiyan pucutaycuna imano aywashantapis,
30 Diosmi intëru lamar jananpa illguyta achicyächin.
31 Chaycunawanmi runacunatapis castigan.
32 Räyutapis chararan.
33 Tayta Diosga räyuchimur musyachimanchi rabyaycashantami.