1 «Munayniyoj Tayta Diosga
2 Fiyu runacunaga chacrapa lindancunatapis witichin.
3 Wacchapa bürruntapis guechun.
4 Pobricunataga nänicunapitapis gargun.
5 Pobricunaga chunyaj chaqui jircacho cacoj chucaru uywanöpis
6 Paycunaga aywan runapa chacrancunacho quëdaj rïguta shuntacoj.
7 Chacaycunaga puñurpis waran imawanpis mana pitucuyllapami,
8 Tamyarga jircacunacho pasaypa jutuycajtami ruran.
9 «Fiyucunaga pobricunapa chuchuycaj wamrancunatapis guechun.
10 Pobricunaga galallanömi purinpis.
11 Asëtita gapchinanpaj jatusaj agacuna rumicunata tangan.
12 Siudächöga wañuyta ñacaycajcuna gaparpaycan.
13 «Waquin runaga manami munanchu achicyaj pachata.
14 Runata wañuchejcunaga chaca-chacallami purin pobricunata wañuchinanpaj.
15 Majayoj caycar jucpa majanwan cacojcunaga pacha chacarcunallantami shuyaraycan.
16 Chacaypa suwaga wasicunaman yagacuycun.
17 Paycunapäga junaj caycan fiyupa yanauyaycaj chacaymi.
18 «Chay fiyu runacunaga yacu cörrejnömi illgacäcun.
19 Fiyupa usyawanga rashtapis chullucäcunmi.
20 Paycunataga mamanpis gongayconganami.
21 Chay runacunaga amatar fiyumi casha wawata mana tarej warmicunapaj, biyüdacunapäpis.
22 Tayta Diosmi ichanga munayniyojcunatapis mana alliman chayarachin.
23 Shongun yarpashanno runa goyäcunanpämi Tayta Diosga camacächin.
24 Fiyucuna rätullaga alli cawaymanmi chayan.
25 ¿Chaynöchu, manachu?