1 Chayno niptin Job niran:
2 «Cananpis jagayashallami yapay rimashaj.
3 ¡Musyaycöman Tayta Diosta maycho tariytapis,
4 Chayarga paytanami willapäman imapita cayno caycashätapis.
5 ¡Pay imata nimashanta cutichinäpäpis tantiyämanmi!
6 Payga ¿munayniyoj caynintachuraj jorgapämanga?
7 Pipis paywan parlanmanmi juchaynaj runaga.
8 «Ichanga washapa Diosta ashiptëpis manami canchu.
9 Norte caj-läpa imata ruraptin ashirpis manami ricächu.
10 Paymi ichanga musyaycan imano goyashätapis.
11 Nogaga paypa yupillanpami purishcä.
12 Paypa laynincunallatami, rimashancunallatami cumlishcä.
13 «Tayta Diosga imatapis rurayta yarparga jinan örami rurarin.
14 Payga imatapis rurayta munashantami ruramanga.
15 Chaymi fiyupa manchacö.
16 Ima-aycapäpis munayniyoj Tayta Diosmi
17 Chaypis chacayga manami upällachimangachu;