1 Chaura Naamat parti runa Zofar yapay niran:
2 «Gam rimashayquipitaga fiyupami cutichiyta munä.
3 Gamga gayapaycämanquimi.
4 «Runa cay pachacho cashanpita-pacha
5 Mana alli runacunapaga cushicushanpis rätullapämi.
6 Chay runa syëlucama aypajno captinpis,
7 uywacunapa iscannöllami ushacanga.
8 Chacaypa ricapacushannömi,
9 Iwal goyajcunapis, ricajcunapis
10 Wamrancunami wacchata pobricunata cutichipaconga.
11 Timpullanchöraj caycar wañonga.
12 «Mana allita rurashancuna shimicho mishqui caycaj-japuy captinpis,
13 mishquiptin shimillancho cachej-japuy captinpis,
14 pachanchöga ismunnami.
15 Chayrämi pipa ima-aycanta ushashantapis rimarenga.
16 Paycunaga culebrapa benënunta micojnömi micurcaycasha.
17 Mananami cushisha miconganachu
18 Ima-aycata gänashantapis llapantami cutichipaconga.
19 Paycunaga ima-aycantapis ushaparcurmi pobricunata garguriran.
20 «Yargaj caytaga manami imaypis yamajchu.
21 Paycunaga tarishantami micoj.
22 Fiyupa rïcu cashpanga mas llaquishami goyanga.
23 Sacsaj micucurcunanpaj caycaptinmi
24 Fyërru magacunapita gueshpiptenga
25 Lëchaga cuerpunmanmi yayconga.
26 Fiyupa yanauyaycaj chacaymi ñiticurconga.
27 Janaj syëlumi chay runa juchata rurashancunata cäranga.
28 Tayta Dios rabyawan castigashan örami
29 Chayno cananpämi mana alli runacunataga Tayta Dios distïnuta gosha.