1 Chaura Job yapay niran:
2 «¿Imaycamataj llaquicaycächimanqui?
3 Yaparir-yaparir gayapämar
4 Juchayoj cashpäpis
5 Gamcunaga nogapita mas alli cashayquitami yarpaycanqui.
6 Gamcunaga musyanquiman:
7 « ‹¡Wañuycächiman!› nir gayaraptëpis
8 Diosmi nänita chapacurcusha noga maypapis mana llojshinäpaj.
9 Pasaypa manacajmanmi churamasha.
10 Nircur pasaypa mana allichömi cachaycamasha.
11 Rabyasha caycashantapis nogachörämi gasarpachisha.
12 Llapan suldäruncunami nogallaman shamusha magamaj.
13 «Tayta Diosmi camacächisha wauguëcuna,
14 Nogapaga manami pïnëpis canchu.
15 Wasëcho tiyajcunapis gongaycamasha.
16 Gayaptëpis may-jina ruwaptëpis manami cäsumannachu.
17 Jämaynë asyaptinmi warmëpis melanäcamanna.
18 Wamra-mallwacunapis manacajmanmi churaman.
19 Sumaj cuyanacushäcunapis melanäcamanmi.
20 Pasaypa tullullannami ricacushcäpis.
21 «Amïgöcuna cuyapaycamay ari.
22 ¿Imanirtaj gamcuna gaticachämanqui Tayta Dios gaticachaycämashannöga?
23 «¡Ojalä, nishäcunata pillapis isquirbiycunman!
24 ¡Ojalä pillapis sinsilwan tacaypa isquirbiycunman
25 Noga musyämi washämajnë cawashanta.
26 Ichic-ichiclla aychä ismur shicwaycaptinpis
27 Quiquë ñawëwanmi ricashaj.
28 «Gamcunaga nircaycanqui: ‹Noganchëga ¿imanöparaj ñacachishwan?
29 Quiquiquicunapis sablita manchacuy-llapa.