1 «Jämaynëpis ushacaycannami.
2 Manacajman churamaj runacunallami ñaupächo carcaycan.
3 Ichanga Tayta Dios gammi nogapa faburnë rimarcunqui.
4 Gammi manacajman churamajcuna mana tantiyananpäpis camacächishcanqui.
5 Imatapis chasquinan-rayculla amïguncunata ima mana allimanpis jitarpoj cäga
6 «Tayta Dios, gammi camacächishcanqui llapan runacunapis waccho caycho rimamänanpaj, manacajman churamänanpaj.
7 Nanächicuycaptillämi ñawëpis chacaycanna.
8 Chayta ricarmi alli runacunaga almirasha ricacun.
9 Quiquincunaga ‹juchaynajmi cä› nircaycanmi;
10 «Llapaniqui cayman shamuy tapunacunanchïpaj.
11 Manapis aycällatanami wañucushaj.
12 Gamcunami ichanga chacaytapis junajman ticrarachinqui.
13 Nogataga wañuyllami shuyaraycäman.
14 Pampacunä uchcutanami ‹gammi canqui taytä› nishaj.
15 Chaura shuyarar yarpaycashäga ¿imanötaj canga?
16 Manami. Yarpashäcunawanga iwalmi pampacushaj.