1 «Runaga wallca watallami cawan.
2 Payga wayta pashtarcur wañuytacäcojnöllami.
3 Tayta Dios, ¿chaynölla caycaj runamanrächi ricärinqui?
4 ¿Piraj ganra caycajta limyuyächinman?
5 Runa ayca wata cawananpäpis gammi camacächinqui.
6 Runataga amana ricapaynachu.
7 «Juc yörata sajtarirpis
8 Sapin auquisyasha caycaptinpis,
9 yacu chayaptenga yapaymi chillguimonga.
10 Runami ichanga imaypis mana cutimunanpäna wañucun.
11 Lamar yacu chaquishannömi,
12 runapis wañorga manana imaypis cawarimunnachu.
13 «¡Ima alliraj canman rabyashayqui gasacänancama wañushacuna caycashanman pacaycamaptiqui!
14 Ichanga runa wañushpan ¿cawarimongachuraj?
15 Chaura gam gayamaptiqui nogaga wiyämanmi.
16 Llapanpitami chapämanquiman.
17 Custalman wiñarcojnömi llutanta rurashäcunata gongaycunquiman.
18 «Juchuycällar jircacuna illgashannömi,
19 yacu wagruypa wagrur rumicunata ushacurcushannömi,
20 Imaypis mana cananpämi runacunataga illgächinqui.
21 Wamrancuna alliman chayaptinpis
22 Chay runapäga nanayllanami, almanpis llaquicuyllachönami.»