1 «Chaycunataga llapantapis quiquëmi ricashcä;
2 Gamcuna musyashayquitaga nogapis musyämi.
3 Chaymi gamcunawan parlanäpa ruquin Dioswan parlayta munä.
4 Gamcunaga llullacushpayquimi rasun cajta mana rimanquichu.
5 Gamcunaga mana yarpachacuypami rimaycanqui.
6 «Canan ichanga nogatana wiyaycäramay.
7 ¿Llullacushayquiwanchi Diospa faburnin cayta yarpaycanqui?
8 ¿Gamcunaga Diospa faburninchi carcaycanqui?
9 Ichanga ¿imaraj canga Tayta Diosninchi taripashuptiqui?
10 Pacayllapa paypa faburnin captiquega
11 Tayta Diosga munayniyoj carmi
12 Gamcuna parlashayquicunaga lliptanöllami caycan.
13 «¡Rimamushäta wiyanayquipaj upällalla wiyamay!
14 Wañunä captinpis rimashämi.
15 Pay wañuchimänan captinpis jinallami shuyäcushaj.
16 Capaschari chayräpis salbacöman.
17 Parlamushäta wiyashpayqui
18 Nogaga chapacurmi rimashaj.
19 Juchayoj cashäta pipis cäramaptenga
20 «Tayta Dios ishcay yarpayta ruwacushayqui.
21 Ama castigaycamaynachu ari.
22 Chauraga imata tapumaptiquipis willashayquimi.
23 Mä willaycamay ari Tayta.
24 ¿Imanirtaj nogapita pacacunqui?
25 Wayracho tumaycaj rapranölla caycaptëga
26 Castigamaptiquimi llaquicur wagar goyaycä.
27 Chaquëcunatapis cadinacunawannömi watarcushcanqui.
28 Imapis ismur ushacaycajnömi ushacaycä.