1 Tayta Diosmi nin:
2 Llapan nasyun runacunata shuntarcurnami apashaj Josafat guechwa pampaman.
3 Acrashä runacunataga raquipänacusha surtita jitarcur jitarcurmi.
4 «Tiro, Sidón, Filistea parti runacuna ¿imatataj gamcuna nogawan munanqui? ¿Ayñita cutichimaytachu munanqui? ¿Imatapis ruramaytachu yarpanqui? Chayno captenga rurashayquimannömi castigashayqui.
5 Gamcunami suwashcanqui guellaynëta, gorëta. Nogapa imäpis alli cajtaga templuyquicunamanmi apacushcanqui.
6 Judá runacunata, Jerusalencho tiyajcunataga fiyupa carumanmi apashcanqui. Chayno aparcurnami uyway cananpaj ranticushcanqui Griego runacunaman.
7 Ichanga nogami jorgamoj-aywä maymanpis ranticushayquipita. Nircurmi camacächishaj paycuna ñacashanno gamcunana ñacanayquipaj.
8 Judá runacunamanmi ranticushaj ollgu warmi wamrayquicunata. Paycunanami ranticonga Sabá runacunaman. Chay runacunaga musyashayquinöpis fiyupa caruchömi tiyarcaycan. Noga Tayta Diosmi nishcä chayno cananpaj.»
9 «¡Nasyuncuna, wiyay-llapa!
10 Rëjancunapita rurachun sablincunata.
11 Sercacho caycaj nasyun runacuna, llapayqui juclla shamuy waquin cajwan shuntacänayquipaj.
12 Llapan nasyuncho tiyaj runacuna llapayqui camaricuy.
13 Paycuna fiyu runacuna cashanga pasaypanami pogupaycan.
14 Chay Jusgana Pampachöga aypallami shuntacasha carcaycan.
15 Chay junäga intipis quillapis chacacäcongami.
16 Sión lömapita-pachaTayta Dios gayacamonga.
17 Acrashan runacunata Tayta Dios niran:
18 Chay wichanga intëru jircacunacho, intëru lömacunachöpis
19 Egiptoga pasaypa ushacashami quëdangapaj.
20 Judächöwan Jerusalenchömi ichanga imaypis runacuna tiyarcaycangapaj.
21 Nogaga llapantami ayñita cutichishaj.