1 Tecoa marcachömi tiyaran Amós jutiyoj runa. Payga uyshayojmi caran. Tayta Diosga Amosta caycunatami willaparan Israelcunata willapänanpaj. Chaytaga Amós willacuran Uzías Judäpa raynin caycashan wichanmi. Israelpa rayninna caycaran Joaspa wamran Jeroboam. Chay willacushanga caran fiyupa timlur cananpaj ishcay wata pishiycaptillanmi.
2 Cayno nirmi Amosga willacuran:
3 «Tayta Diosga caynömi nin:
4 Ray Hazaelpa famillyancuna tiyaycashan wasimanmi ninata sindipaycushaj.
5 Damasco siudäman yaycuna puncu rancaraycajtapis callpaycurmi amirishaj.
6 «Tayta Diosga caynömi nin:
7 Gaza siudäpa curral pergancunamanmi ninata sindipaycushaj.
8 Asdod siudächo mandaycajtapis illgächishämi.
9 Tayta Diosga caynömi nin:
10 Tiro siudäpa curral pergancunamanmi ninata sindipaycushaj.
11 Tayta Diosga caynömi nin:
12 Temán siudämanmi ninata sindipaycushaj.
13 Tayta Diosga caynömi nin:
14 Rabá siudäpa pergancunamanmi ninata sindipaycushaj.
15 Rayninnami mandäshejcunawan iwal prësu aywanga juc-lä nasyunman.»