1 Tayta Diosmi cayno nin:
2 Maraycho tunaywanna machcata agay.
3 Galalla caycajtami pï-maypis ricashunquipaj.
4 Israelcunapa munayniyoj Santo Tayta Diosnin ima-aycapitapis salbacojmi cayno nin:
5 «Caldeacho caycaj Babilonia jipash upällalla jamacuy.
6 Acrashä runacunapämi rabyacurcurä.
7 ‹Imaycamapis raynallami cashaj› nirayqui.
8 «Chaypita cananga wiyay Babilonia.
9 Ichanga illajpita juc junajllami disigrasyacuna chayashunquipaj:
10 Mana allicunata rurashpayquipis manami imatapis gocushcanquichu.
11 Gammanga fiyupa disigrasyami chayamoj-aywan.
12 «Brüju rurayta yachashayquita mä sïguir ruracuycay ari.
13 Willapäshojcunaga aypallami casha.
14 Masqui ricay, chay musyaj yachajcunaga chaqui ogshanömi carcaycan.
15 Chaynömi ushacanga brüjuyquicunaga.