1 Tayta Diosmi nin:
2 Egiptumanmi rasyaylla aywarcaycan.
3 Ichanga faraonman yäracushanpita pengaypämi canga.
4 Zoán siudäman, Hanes siudäman
5 pengaychömi cangapaj mana bälej nasyunman yäracushanpita.
6 Egiptuman aywajcunaga chunyaj Neguevpami päsarcaycan bürruncunata y camëlluncunata cargasha.
7 Chay nasyonga munayniynajmi. Yanapänanpäpis manami camäpacunchu.
8 Nircorga Isaiasta Tayta Dios niran:
9 Cay nasyun runacunaga mana wiyacoj llullami.
10 Profëtacunatami nircaycan «Amana ricapacuynachu» nir.
11 Tayta Dios ruraycächishushayquitaga cachaycäriyna.
12 Chaypitami Israelcunapa Santo Tayta Diosnenga nin:
13 Chaypitami gamcunaga juchayoj canqui.
14 Tunerga puyñu shallojnömi ricacunquipaj.
15 Israelcunapa Santo Tayta Diosnenga nin:
16 Chaypa ruquenga nishcanqui: ‹Manami cutëchu. Cawalluta muntacarcärirmi gueshpir aywacushaj› nir.
17 Juc runalla manchachishuptillayquimi gamcunaga waranga gueshpinquipaj.
18 Chaypis, Tayta Diosga shuyaraycäshunquimi gamcunata cuyapäshunayquipaj. Payga fiyupami munaycan cuyacoj cayninta gamcunata musyachishuyta. Tayta Diosga rasunpa alli cajta ruraj Diosmi. Alli cawaytami tarenga payman yäracojcunaga.
19 Sión runacuna, Jerusalencho tiyajcuna: Manami waganquipänachu. Yanapäshunayquipaj gaparaypa mañacuptiqui Tayta Diosga wiyashushpayqui cuyapäshunquipämi. Payga wiyarcushan öra jucllami yanapäshunquipaj.
20 Tayta Dios, fiyupa ñacayman llaquicuyman chayachishushpayquipis pushashojniqui caycarga manami yapayga pacaconganachu. Gamcunaga ñawiquiwanmi ricanquipaj.
21 Alli ruraycashayquipita wac-läman u cay-läman tunejnöpis llutanman chayajno captiqui, guepayquipitami gayacamushunquipaj. Chaymi nishunquipaj «Caypami näniga. Cay alli nänipa aywayga» nir.
22 Chauraga jitarinquipänami guellaypita rurashayquita, goriwan intërunpa chapyachiypa rurashayqui ïduluyquicunatapis. Chaycunataga ganra räputanömi manana ricaytapis munanquipänachu.
23 Murushayqui micuyniquicuna alli wiñamunanpämi Tayta Diosga tamyachimongapaj. Chaura chacrapis rïguyquita allimi wayuchengapaj. Chay wichanga uywayquicuna micunanpäpis achcami guewa canga.
24 Chacracho aroj buyiquicuna, carga ashtaj bürruyquicunapis alli limyu guewatami micongapaj.
25 Wañuchinacuy cashan wichan, pacacuna siudäcunapa perganta juchuchishan wichanga intëru puntacunapita, altunnin puytush lömacunapitapis yacu shamongapaj chayasha mayu-jinarämi.
26 Tayta Diosga jampipashpan watapangapämi pay castigar däñashan runacunapa guerinta. Chauraga quillapis achicyangapaj intinörämi. Intipa achicyayninnami cangapaj ganchis intipa achicyayninnöraj.
27 Masqui ricay-llapa. Quiquin Tayta Diosmi caruta aywaycämun.
28 Jämayninpis caycan fiyupa chayasha mayu
29 Gamcunapämi ichanga cangapaj cushicur cantay.
30 Asiriata ushananpaj shamur
31 Asiria nasyun runacunaga Tayta Diospa busninta wiyar fiyupami mancharengapaj.
32 Asiriacunata Tayta Dios castigaynin-tupumi
33 Unaypita-pachanami Asiriacunapäwan rayninpäga Tofet particho camarisha caycan fiyupa ñacananpaj.