1 «¡Ay imanöraj canqui Davidpa siudänin Ariel!
2 Ichanga nogami Ariel siudämanga ñacaycunata chayachishaj.
3 Intëruyquipa tumarej curalapaycushunayquipämi suldäröcunata cachamushaj.
4 Pengaypämi jitarpaycar quëdanquipaj.
7 Aypalla nasyun runacuna Arielcho tiyajcunawan pillyarcaycäga
8 Chayga cangapaj yargaypita puñur runa suyñuynincho micushannömi.
9 ¡Ariel runacuna, gamcunaga jinalla goyarcaycay mana tantiyacuypa!
10 Tayta Diosmi camacächisha gamcuna fiyupa wañuy puñuypa puñucäcunayquipaj.
11 Chaymi Tayta Dios ribilashanga gamcunapaj caycan mana pipis liguinanpaj lagasha caycaj rölluno. Liguiy-yachaj runata pitapis chay rölluta liguipänanpaj «Tayta cayta liguipämay» niptin, chay runaga nengapaj: «Manami liguëmanchu. Lagashami caycan» nir.
12 Liguiyta mana-yachaj runata chay rölluta liguipänanpaj «Tayta cayta liguipämay» niptin chay runaga nenga: «Manami liguiyta yachächu» nir.
13 Tayta Dios nin:
14 Chaypitami cay runacunapäga tantiyayta mana camäpacunanpaj camacächishaj.
15 ¡Ay imanöraj canqui mana allita rurananpaj yarpaycashanta pacashpan Tayta Diospita pacacojcuna!
16 ¡Chayno yarpar llutantami yarpaycan!
17 Cananpita manapis aycällatami Libanoga ticracurengapaj muruna chacraman.
18 Chay junäga mana wiyaj upacunapis
19 Tayta Dios yanapaptinmi
20 Mana rispitacojcunaga manami canganachu.
21 Ushacanganami manacajpita jitapajcunapis,
22 Chaypitami Abrahamta jorgamoj Tayta Diosga Israelcunata nin:
23 Paycunapita mirar-aywajcunaga nasyunnincho imano rurashätapis ricashpan
24 Mana tantiyajcunapis yachaj caytami yachaconga.