1 Masqui ricay-llapa.
2 Chay junäga iwalmi päsanga cüratapis, pampa runacunatapis,
3 Ima-aycata charashantapis ushajpämi guechurenga.
4 Cay pachaga llaquicuycho cashpanmi chaquir shushuycan.
5 Cay pachataga runacunami ganrachisha.
6 Chaypitami castïgu chayamur cay pachataga usharisha.
7 Übas yöracunatapis gueshyami charisha.
8 Mananami tucannachu tamburcunata.
9 Birsushpan manami bïnuta upyanganachu.
10 Siudäga juchushami caycan.
11 Bïnu muchuy captin runacunaga cällicunachöpis wagarcaycan.
12 Siudäga pasaypa ragällami quëdasha.
13 Runaga wallcallanami cay pachacho quëdanga.
14 Cawaycar quëdaj runacunaga Tayta Dios imanöpis rurashanta ricasha carmi cushicuypita gaparpanga.
15 May-chaychöpis Israelcunapa Tayta Diosnintaga rispitashpan alabangami.
16 Cay pachapa cuchunpita-pacha cantamojtami wiyashcäcuna
17 Cay pachacho tiyaj runacunaga cangapaj casadurpita jirca animal gueshpiycajnömi.
18 Casadurpita gueshpej cäga yagangapaj uchcumanmi.
19 Cay pachaga fiyupa manchariypämi cuyurenga.
20 Machasha runa tuniycachaycajnömi ricaconga.
21 Chay junäga Tayta Dios castigangapaj janaj pachacho caycaj munayniyojcunata,
22 Llapanta juc pachaman shuntanga.
23 Munayniyoj Tayta Diosga Sioncho jamacunanman jamayconga