1 ¡Ay imanöraj canqui Sioncho goyaj autoridäcuna!
2 Calne siudäta aywar mä ricamunqui.
3 Gamcunaga fiyupa ñacay junaj chayamunanpaj caycajta manami yarpayllapis yarpanquichu.
4 Cuyayllapaj llagllaypa adurnasha jamanacho wegurpaycanqui.
5 Arpacunatapis wagay-wagayllataraj tucarmi birsucunatapis mushojcunallata jorguycanqui.
6 Jatusaj cöpacunawan bïnuta upyarcaycanqui.
7 Chayno cashayquipitami gamcunataraj ñaupa-puntataga juc-läman prësu apashunquipaj.
8 Tayta Diosga quiquinpa jutinchömi jurasha. Munayniyoj Tayta Diosga caynömi nin:
9 Chay öraga juc wasicho chunca runacunalla cawaycar quëdasha cashpanpis llapanmi wañonga.
10 Chaura juc famillyan ayata pampananpaj wasiman chayanga. Wasi ruricho caycajtana taponga: «¿Pillaga gamwan chaycho caycanrächu?» nir. Chaura ruripita nimonga «Manami pipis cashachu» nir. Mastapis ruripitaga nimonga: «Upälla. Tayta Diospa jutinta rimarpis rimaycunquimanchari. Chauraga castigarpis castigaycamashwanchari» nir.
11 Tayta Diosmi camacächenga jatunpis tacshapis wasicuna juchunanpaj.
12 ¿Cawallucuna purinmanchuraj gagapa?
13 Gamcunaga manacajcunallapitami alabacuycanqui.
14 Cananga sumaj tantiyacuy Israelcuna.