1 Maing KAUN, komw dehr ketin kaloke ie nan omwi engieng!
2 Komw ketin kauwehkinielahr sapwellimomwi arep kan;
3 I medengkilahr kowahlap omwi engieng pahi;
4 I mwopwlahr nan ahd en dipei kan,
5 Pwehki ei pweipwei,
6 I rihkosdiongehr nanpwel oh mwoahtohtalahr;
7 I mwasingkilahr karakar en nan kapehdiet
8 I weikeklahr oh mwoatohtalahr;
9 Maing KAUN, komw mwahngih dahme I kin kasikasik;
10 Mohngiongiet wie rerrer, solahr ei kehl,
11 Kompoakepahi oh mehn mpei kan solahr kin keidohng mpei,
12 Irail kan me men kemeiehla kin kaunopada arail mehn lidipih ie,
13 I rasehng aramas salengepon men me sohte kak rong wasa,
14 I rasehng aramas me sohte kin sapeng mehkot,
15 Ahpw, Maing KAUN, I kin likih komwi;
16 Komw dehr ketin mweidohng ei imwintihti kan en pereperenki ei apwal;
17 I nektehn pwupwudi
18 I patohwan sakarkihda dipei kan;
19 Ei imwintihti kan kehlail sang ie;
20 Irail kan me kin dupungki me suwed ei wiewia mwahu
21 Maing KAUN, komw dehr ketin likidmelieiehla;
22 Maing ei Kaun oh ei sounkomour, komw ketin sewese ie met!