1 Maing KAUN, komwi ketin tamanda dahme wiawihong kiht.
2 At tungoal sohso milahr nan pehn mehn liki kan;
3 Imwintihti kan kemelahr at pahpa kan,
4 Se uhdahn pahn pwain pihl me se kin patohwan nim;
5 Se pahkarewei rasehng ahs de kamel,
6 Se kin pekipeki rehn mehn Isip oh Asiria,
7 At pahpa kahlap ako dipadahr, ahpw met re solahr mie,
8 Se milahr pahn manaman en aramas ekei me sohte siksang lidu kan,
9 Sounkam aramas akan kohkohseli nan sahpwo;
10 Duhpek kin kahrehda at soumwahu karakar laud
11 Angkehlail wiawihong at pwoud kan nin Nahna Saion;
12 At kaun akan wisiksangehr oh langadahr nin tuhke kan;
13 Nait mwahnakapw akan idihdiong re en ngidarpene kohn duwehte lidu kei;
14 Me mah kan solahr mwomwohdseli ni ewen kelen kahnimwo,
15 Peren sohrasangehr nan at mour;
16 Sohte mehkot me se kin pohnmwahsohki me luhwehdi.
17 At mohngiong kan soumwahulahr
18 pwehki Nahna Saion eh kalehpwlahr oh tehnlahr,
19 Ahpw komwi, Maing KAUN, me wia nanmwarki kohkohlahte,
20 Dahme komwi ketin likidmeliekinkitala ahnsou reirei?
21 Maing KAUN, komwi kasapahlkitewei pahn kupwuromwi! Komwi kasapahlkitewei!
22 De komwi soh ketin soingkitalahr kohkohlahte?