1 Atail kohl melengileng kan pohsuwedlahr;
2 Mwahnakapw akan en Saion me kesempwal pahtail duwehte kohl,
3 Kidi en wel kan pil kin kadihdi wahrail kan,
4 Re kin mweidohng neirail seri kan en mehkihla duhpek oh men nimpil;
5 Aramas akan me kin tungoale kisin tungoal keieu kaselel mahs, met re mehkilahr ar duhpwek nanial akan;
6 Nei aramas akan aleier lokolok me laudsang lokolok en tohn Sodom,
7 Atail soupeidi kan me mwakelekel oh pwetepwet sang sinoh,
8 Eri, met re wonohnehr nanial akan solahr me ese irail, masarail kan toantoalkilahr ar melahr;
9 Irail kan me mehla nan mahwen paiamwahusang irail kan me mehla mwuhr,
10 Kahpwal me lelohng nei aramas akan me kamasepwehk mehlel;
11 KAUN-O ketin sapwadada sapwellime engieng mwuledek;
12 Sohte emen wasa kis, pil sohte kaunen wehin liki men,
13 Ahpw met wiawiher, pwehki nah soukohp kan oh samworo kan ar wiadahr dihp
14 Nah kaun akan kakahnseli nanial akan duwehte maskun kei,
15 Aramas akan kin weriwer ndinda, “Kumwail keiwei! Kumwail me samin! Kumwail dehr sair ie!”
16 KAUN-O solahr kupwurohkin irail; pein ih me ketin kamwarakirailseli.
17 Se pwangadahr kasikasik sawas me sohte pahn leledo.
18 Imwintihtio mwasamwasahn kiht; se pil sohte kak aluseli pohn ahl akan.
19 Marahra sang ikel kan me kin pihrdihsang pahnlahng, iei duwen at imwintihti kan ar pwakihkitedi.
20 Re kalowehdi pwarer en at mour, nanmwarkio me KAUN-O ketin piladahr,
21 Kumwail kouruhr, kumwail mehn Edom oh Us; kumwail pereperen nindokon amwail kak.
22 Saion aleier dupukpen dipe; KAUN-O solahr pahn kolokol kitail wasa me kitail kalipilipalahngehr ie.