1 Mour en aramas rasehng doadoahk idihd en sounpei,
2 rasehng lidu men me kin inengieng wasa mwete lemwlemwur;
3 Ehuehu sounpwong kin kohdo oh nekla sohte me I en mourki;
4 Ni ei kin wendi pwe I en meirla, awa kan kin pwand mehlel;
5 Mwahs kadirehla paliwerei;
6 Ei rahn akan kin imwisekla ni sohte koapworopwor,
7 Maing Koht, komwi ketin tamataman me ei mour duwehte esingek ehu;
8 Kumwail kilikilang ie met, ahpw mwuhr kumwail pahn sohla kilang ie.
11 Soh! I sohte pahn nennenla!
12 Dahme kumwail sinsilehkin ie?
13 I kin wendi oh song en kommoaldi;
14 Ahpw kumwail kin kamasangkin ie amwail ouraman kan;
15 ihme kahrehda ei men lusiamala
16 Solahr ei koapworopwor; I pwangadahr momour.
17 Dahme komwi nohk kesempwalkihki aramas?
18 Komwi kin ketin kasawih nimenseng koaros
19 Ia duwe, komwi soh kak sohpeisang ie ahnsou kis,
20 Ia duwe, komwi kupwursuwedkihla dipei kan, iei komwi me kin ketin salihedi aramas?
21 Komwi sohte kak kupwur mahkikihong ie dipei kan?