3 re pahn toutou sang pihk en nansed,
4 Koht Wasa Lapalahpie ketin kasikihkinieier arep,
5 Ahs emen kin nsenamwahuki kangkang dihpw,
6 Ahpw ihs me kak tungoale suhpw nampil, me sohte soahl?
7 I sohte inangih soangen tungoal me duwehte met,
8 Dahme Koht sohte ketikihong ie dahme I patohwan peki?
9 E seu ketin wonlahte mwowe oh kemeiehla!
10 Ma I ese me e pahn ketin kemeiehla, I pahn lusuluski ei peren,
11 Ia ei kehl pwe I en kak momourki?
12 Ia duwe, I wiawihda sang ni takai? Paliwerei wiawihkihda mete?
13 Solahr ei kehl me pahn doareiehla;
14 Nan apwal duwehte met, I kin anahne kompoakepahi loalopwoat akan—
15 Ahpw kumwail, kompoakepahi kan, kumwail pitihiehdi rasehng piletik kan
16 Piletik kan direkihla sinoh oh aihs,
17 ahpw ni ahnsoun karakar re kin sohrala,
18 Pwihnen seiloak kan kin salongkihla ar raparapahki pihl;
19 Pwihnen seiloak kan sang Sipa oh Tema kin raparapahki,
20 ahpw ar koapworopwor kin sohrala limwahn piletik madada kan.
21 Kumwail rasehng piletik kan ong ie,
22 Dah, I peki kumwail en kihong ie ehu kisakis
23 de doareiesang imwintihti de emen me ahneki manaman en kaunda ni suwed?
24 Eri, kumwail padahkihdo oh kasalehiong ie ei sapwung kan.
25 Lokaia mehlel me kehlail,
26 Kumwail lemeleme me dahme I ndinda duwehte kisinieng;
27 Kumwail pahn pil petki lidu sepwoupwou kan
28 Kumwail kilang nan meseiet, I sohte pahn lokaia likamw.
29 Kumwail inenen uklahr oh daulihalahr mehlel. Kumwail tokedihsang amwail mwekid sapahrek kan.
30 Ahpw kumwail medemedewe me I likilikamw—