1 Melimel kin kasaloweiehda.
2 Kumwail rong, kumwail koaros, duwen kapitien Koht,
3 E kin ketin kadar lioal pahnlahng,
4 Eri, kapitie ahpw kin sansalada,
5 Soahng kapwuriamwei kan kin wiawi ni ahnsou me Koht kin ketin mahsen,
6 E ketin mahsanih sinoh en mweredi pohn sampah,
7 E kin ketin katokihedi en aramas akan doadoahk;
8 Mahn lawalo kan kin pedolong nan imwarail kan.
9 Engin melimel kin ipisang palieir,
10 Engin doauesen Koht kin kalamwurihala pihl akan,
11 Lioal kin piripir sang nan depwek
12 ni ar kin mwekimwekidki kupwur en Koht.
13 Koht kin ketikihdo keteu nin sampah;
14 Nennenla ekis ahnsou, Sohp, oh rong mahs;
15 Komw ese ia duwen Koht eh kin ketin koasoanehdi
16 Komw ese ia duwen depwek eh kin tangatang pahnlahng,
17 Soh, pwe ihte komw kin lokolongki karakar
18 Komw kak sewesehki Koht wiepen pahnlahng
19 Komw padahkihong kiht dahme se pahn patohwanohng Koht;
20 I sohte pahn peki I en pato pahn kupwur en Koht;
21 Eri, met marain en pahnlahng inenen lingaling,
22 Lingaling kin pwarada paliepeng,
23 Sapwellimen Koht manaman me lapalahpie kahrehda kitail sohte kak kerenlahng;
24 Ihme kahrehda, aramas koaros kin lemmwiki ih,